السلام عليكم ...
احب ان انقل لكم ابداع رائع لشاعرة صنعت هذه القصيده بكل جمال وبجمال بلا حدووود....
للشاعره بنت واااايل
وسامحوناااا على القصــور
قائله:
الحبيـب:
مرحـبـا يابـنـت والـدنـيـا حـلاهــا
في القلوب العاشقات المستهيمة
والقـلـوب المستهيـمـة مبتـغـاهـا
مـــا يـجــي إلا ونـيّـاتـه سـلـيـمـة
المشـاعـر مــا تـبـي إلا رضـاهـا
والرضـا باحيـل منْشانـه جريـمـه
والهنوف اللي سبق حبّك هواهـا
مـاهـو بيديـنـي ولا بـيـدك نديـمـه
الصديـقة:
كيف أحس انك معي وإنتَ معاهـا
كيف أبادل في الدجى نظرة عقيمة
كيـف نرسـم حلمنـا وإحنـا وراهـا
كيـف نعـدل والـعـدل فيـنـا ظليـمـة
كيـف أدوّر ع السعـادة مـن بلاهـا
كيـف أشيّـد فـوق ذاك اليَـم خيمـة
قلبي اللي صاد قلبـك مـن سماهـا
اشتـرى حبّـك وبـاع اليـوم شيمـة
الحبيـبة:
إيــه خـونـوا والمصـايـب مستـواهـا
لــو تعَـلّـى فالسـبـب لأنــي عظـيـمـه
مــا ذبحـنـي لا خـطــاك ولا خـطـاهـا
بس ذبحنـي طيـب نيـات(ن) غشيمـة
كنت اشوف الضيق ف عيونك اذاها
عنْـك غابـت بـس مــا للـشـك قيـمـه
كنت اشـوف لضيقهـا شوفـك دواهـا
كـنـت أجَــدِد حبّـكـم بـيــدي وأقـيـمـه
ليـن ماعيـون البشـر يصـرخ نـداهـا
ياغشيمـه لـي متـى منـتـي فهيـمـه؟
يابشـر هالنفـس تـدري بـس حـداهـا
الـدلـيـل الـلــي نـصـرنـي بالهـزيـمـه
كـيـف أداوي علّـتـي بأسـبـاب داهــا
كيـف أفّضَحهـا وستـر البنـت شيمـه
لـيـتـك انـــتَ خنـتـنـي ويّـــا سـواهــا
كان نصـري فَـرْح وأحزانـك غنيمـه
والشعور اللـي حملـك إنـت وغلاهـا
ماغسـل ذنــب القـلـوب المستهيـمـة
طحتـو مـن عينـي ولا بيطـيـح مـاهـا
ماتحـرّى مـن سمـوم وقيـض ديـمه
| 
|
03-15-2007, 02:15 AM
العرض العادي
