[poem=font="Simplified Arabic,5,blue,bold,normal" bkcolor="transparent" bkimage="" border="solid,4,orange" type=0 line=0 align=center use=ex num="0,black"]
يالله ياللـي كـل حــي يسـألـك=ياواحـدٍ كـلٍ يخافـك ويرجـيـك
اتفـك عقـد احبـال عبـدٍ شكالـك=مستبـرمٍ حبلـه بعقـد وشرابـيـك
ولاتلـوم النفـس فيمـا جـرىلـك=اصبـر تـرى ماقـدّر الله بيأتيـك
ان جاد حظك بـاع لـك واشترالـك=فوايده مـن كـل الابـواب تأتيـك
وان بار حظك هزّل اقـوى حلالـك=برداء ثمـن لازم يبيعـك ويشريـك
وان جاد حظك بالمجالـس حكالـك=وصدّق مقالك كل شخـصٍ يحاكيـك
وان بـار حظـك لايكـذب مقالـك=واتصير كذبات المـلا كلهـن فيـك
وان جاد حظـك بالمنـازل بنالـك=بيتٍ رفيعٍ شامـخ الطـول يذريـك
وان بار حظك صرت تنقل اعيالـك=مـن دار الـى دارٍ ودارٍ تخلـيـك
وان جاد حظك كـل شـئٍ صفالـك=وقرايـب الخـلان كـلٍ يصافـيـك
وان بار حظك بان جمـع العداءلـك=وصار المحب اعـدا عـدوٍ يعاديـك
وان جاد حظك كـل شـئٍ عنالـك=ويباشـرك عنـد المـوده ويعطيـك
وان بار حظك ظـل محـدٍ بحالـك=ولا بفنجـالٍ مـن البـن يسقـيـك
وان جاد حظك قام واطلـق عقالـك=ومشى معك في كـل دربٍ يباريـك
وان بار حظك صرت بأرض المهالك=وعن كل دربٍ يقلعـك ثـم يثنيـك
وان جاد حظك كـل شـئٍ زهالـك=حلياه بـأرواح المجالـس تزهيـك
وان بار حظك شيّن احلـى خيالـك=لامن قبلت اغضت عيـونٍ تراعيـك
وان جاد حظك كـل شـئٍ أضالـك=يشبـه فـم القنديـل نـوره يقديـك
وان بار حظك عـز حالـي لحالـك=ارذل رذيـلٍ هافـي الجـد يوذيـك
يالعبد لـو كثّـرت حـث ارتحالـك=وعرضتها درب الخطـر والتهاليـك
انتـه بـلا حـظٍ بعيـدٍ محـالـك=وقلوص عزمك بالمضامـي تخليـك
يالعبد وان حظـك سعيـدٍ نمالـك؟=مـن عشـرة اولادٍ وواحـد يكفيـك
واصبر عسى تعطى خلف من غدالك=رجلٍ الى سامتـك الايـام يشريـك[/poem]
[frame="7 80"]للشريف محمد بن عون رحمه الله [/frame]
| 
|
11-07-2006, 02:52 PM
العرض العادي
