امدح بني عمي ولاني مليووووم

[عزوتي عتيبه]

بسم الله الرحمن الرحيم
السلام عليكم ورحمه الله وبركاته
الى منتدى عتــيـبه هاذي القصيده اهداء مني لكم لشاعر \ حمدان العـصـيمي ويتكلم فيه عن فرسان عـتـيبه ويمدح القـبيله وعسى تحوز على رضاكم

يالله يامعبود ياحي ياقيوووم...... يالي على تبديل الاكوان قاووي

تفرج لقلبن به هواجيس وهموم....طاويه من هاجوي الايام طاوي

تغــيـر الايـام يومن بعد يوووم.....ولا فيه يومن مثل يومن متساوي

والسر مابين المعاليق مكتووم.....والجرح مالقيله طبيب مداوووي

يالي بنات الفكر مع لذت النووم.... صحيت من نومي وانا له شفاوي

جبت القلم والبوك مغرم وملزوم.....شعري غني وانا بشعري غنااوي

طرئ علي قوم ومواجه القووم.....على ظــهورن بعداد الغزاوووووي

قومن لهم طبع وتقاليد وسلووم....اكل عليه الدهر عسر المطاووووي

معاد باقي غير تاريخ وعلووم.... وراويتن يرويــه كل راووووووووي

يوم القبايل بين هازم ومهزووم....لي عزوتن منه تهاااب العزاووووي

لو اشتعل الميدان برماح وسهوم...ربعي عتيبه مخلفين الهقااااااوووي

الي اقبلو دكايت الخيل حثلوووم.... ماهو عليهم مثل نجمن سماااوووي

وانحطو المياعد في يوم معلووم... للخيل خياله وللموووت هاااووووي

العمر له ساعات والاجل محتووم... والصبر عروه من قوي العراوووي

دقلاتهم جمعن مثل دوله الررووم... بندق وسيف وظرب رمحن قناوووي

وهيبه رجال بينه الراي مضرروم.. يكفيك عنه مايقوول الخلاوووووووي

لطامه العايل وذباحه الكوووووم...... بالعسر ايام الزمن القساووووووي

اول منازلهم وراء ضلع الاكموم....وغربي حضن شرقي طوال النزاوووي

والله جعل نجد من الغيث محرووم... وعليه من مطلع ربيعه مهــااووووي

تشاورو بالراي والامر محسووم...... كلن على الطرقه معزم ونااااوووي

شجعان مافيهم دراويش ورخووم.... وانحو كما سيلن مسيله نحاوووووي

مع دربهم طير السعد يدرج لحووم...يبي العشى وقدامه اليل ضاوووووي

والله كتب والله قسم كل مقسووم.... وصب البلاوي في نحور البلاووووي

وراحت قبايل نجد شتان وقسووم ... وصف جنابه من جميع البداوووووي

وارست قواعد مجدن دايم الدووم... في الديره الي ماتجي بالمنااااووووي

ماجت بحبه روس وكتوف وخشووم ...الابعد جاء للمشوووق تعااااوووي

في ظل شيخن عنده الراي محكوم....شيحن يصدر معضلات الدعاااوووي

تركي الي اعرضن الارواح لسووم.... حماي قطعان البدو والشواووووي

ومسلط كم حرن مع الجو صارووم.. يهوي على خشمه هوايه نداووووي

وهذال اخو همله ومقعد وسلوووم... وابا العلا وايضن بخيت العطاااوووي

وابن محيئ هيبته ترخي الزوووم....يشهد على فعله كلام الفراوووووووي

ومرزوق ابن غبصان فارس وشهموم... والهيضل الهيضل بعيد النهاوووي

والشيخ ابن جامع له المجد مرسووم...والضيد شالح مزقلن للجـلاوووووي

ومحمد ال عبود هام العلا هووووم.... وقشعان من دون العشاير فداوووي

وحزام للمعارك للخيل هااازوووم.... شيخن لميدان المعااارك هواووووي

ومحسن عن المدح مخدوووووم.... وام زريب لرد البرى مايراوووووووي

والي بقى مجده مخلد ومفهوووم.... وارجو السموحه من جميع النحاوووي

امدح بني عمي ولاني مليووووم.... حبلي على هداج تيمااء رهــاووووووي

وكل القبايل بينه الطيب مقسوووم... يوم اعتلاج الخيل والذيب عــااوووووي

واليوم حنى شعب مكرم وملزووم.... في ظل سيف العدل واهل التساووووي

ال سعود مناصره كل مضلووووم.... درع الجزير لشفيـــعه لجـاوووووووو

وختاامه عداد ماهل ديمووووووم... وصلو على راع المقاااااام النباااوووي

[النـايــــــف]

صح لسانك اخوي عزوتي عتيبه

وصح لسان الشاعر حمدان العصيمي

وبيض الله وجهك يا الغالي

على هذا الاختيار الرائع

تحياتي لك ،،،،

[العريدي11]

صح لسان وصح لسان شاعرها

[رمح عتيبه]

صح لساااانك ولسااااااااان شاعرها ويعطيك العافيه علي القصيده الرائعه

بس عندي ملاحظه علي بعض الزوار اللي يقرون هاذه القصيد ليش الردود قليله والزيارات كثير ولاحظت ان بعض القصايد المشهوره والشعار كذلك يكون الرد عليها كثير ليش لانه معروووف الموضوع مش انه معروف ولا لا هل الابيات جميله او لا وتقبل تحيااااتي

[طلق الشيباني]

عزوتي عتيبه صح لسانك

وصح لسان حمدان العصيمي

ويعطيك العافيه على النقل

تقبل مروري

[اخو من طاع الله]

صح لسانك

وصح لسان حمدان العصيمي

[عطيب عتيبه]

صح لسان وصح لسان شاعرها

[برقاوي هواوي]

للاسف مكرر