لغز

[{ أبوفيصل }]

السلام عليكم ورحمة الله وبركاته

[poem=font=",7,sienna,bold,italic" bkcolor="sandybrown" bkimage="" border="outset,4,sienna" type=2 line=0 align=center use=ex num="0,black""]
بنتٍ يتيمه بين عم وخال =والخال مثل العم يغليها
أحدن يدافع دونها بجدال =وأحدن على ماقيل يحميها
بنتٍ ماتبغا غير ستر الحال =يتيمة أم وتفقد أبيها
يكسب رضاها شاطرٍ حيَّال =رجلٍ خطبها طامعٍ فيها
لكن ماحازت ألاَّ مع رجّال =وما كلّ رجّالٍ يراعيها
واللي يجيلها من أجل المال =ماجاب حاميها حراميها


[/poem]







.

[إبن ثعلي]

ماجت هنا بمعنى لم تأتي او بمعنى راغت وحاصت؟

[{ أبوفيصل }]

ماجاب حاميها حراميها

لاتشغل بالك وضحت باللغز بعض الكلمات اكثر

باقي تحضر الحل

[إبن ثعلي]

طيب يابو فيصل ويش رايك بجوهرة الثعبان؟

[{ أبوفيصل }]

مااااالك لواا رمعه بعيده جدا

[همس النسيم]

وعليكم السلام ورحمة الله وبركاته
حياك الله يابو فيصل وصح لسانك
وش قولك ب الامانه

[{ أبوفيصل }]

اهلا بالنسيم

ماااالك لواا

[إبن ثعلي]

طيب ويش رايك بالدعوى وعمها المدعي وخالها المدعى عليه
وحاميها حراميها المحامي؟

[{ أبوفيصل }]

المشاركة الأصلية كتبت بواسطة إبن ثعلي طيب ويش رايك بالدعوى وعمها المدعي وخالها المدعى عليه وحاميها حراميها المحامي؟

الدعوى قريبه من الحل بل فالصميم يابوعبدالرحمن
( القضية )
عمها وخالها طرفيْ القضية وخطيبها المحامي