{ لغز } محلول من ابن ثعلي

[{ أبوفيصل }]

السلام عليكم ورحمة الله وبركاته


[poem=font=",7,,normal,normal" bkcolor="transparent" bkimage="" border="inset,10,burlywood" type=2 line=1 align=center use=ex num="0,black""]
أبنشد أهل العرف واللي يحلون =ياويش رجلٍ من قديم الزماني
رافق رفيقٍ له على مايقولون =وأصبح على قتله رفيقه مداني
وجن بناته في طلب دم يثارون =لكن زبن عنهن في ذاك المكاني[/poem]




.



.

[إبن ثعلي]

لاهنت يابو فيصل واعتقد ان الحل هو خرافة سهيل وبنات نعش حيث تقول
الخرافه سهيل قتل نعشاً وهرب للجنوب اما بنات نعش فأخدن يطاردنه ويحملن
نعش والدهن الى الآن

[{ أبوفيصل }]

ولاتهون يابوعبدالرحمن صحيح (( سهيل ))
صح فكرك على الحل القاضي

يقولون والعهده على ذمة الراوي أن سهيل اليماني قتل ابو السبّع ( بنات نعش) واحملنّه بناته في نعش
أربعة منهن يحملنه بالنعش وثلاثة يمشن خلفه , والأخيره قيل أنها عرجاء وهن يعتقدن أن القاتل
الجدي وقررن ما يدفنن أبوهن حتى يأخذن بثأره ولكن هناك اثنتان يقال لهما الحويجزين يمنعهن من
الوصول الى الجدي والحويجزين يدورن حول الجدي ويفصلن بينهم ، بينما سهيل لاذ بالهرب جهة الجنوب مختبئ مايظهر بالسنة غير شهرين

[عامر الروقي]

ابوعبدالرحمن

كفووصح فكرك وتفكيرك في حل اللغز وبيض الله وجهك
وبياض الوجه للي نظم وحبك اللغز

[إبن ثعلي]

ويقولون انهن كسرن ظهر الجدي ولاعاد يستطيع التحرك
ودخل على الحويزين وادخلنه وهن يحولن بينه وبين السبع لاياصلنه

[{ أبوفيصل }]

المشاركة الأصلية كتبت بواسطة عامر الروقي ابوعبدالرحمن كفووصح فكرك وتفكيرك في حل اللغز وبيض الله وجهك وبياض الوجه للي نظم وحبك اللغز

بما أن الرد بالسطر الاول في هذا الاقتباس يابن ثعلي يخصك ، وش رايك فيه !!

ردنا على السطر الثاني اللي يخص اللغز وراعيه / أقول وجهك ابيض ياعامر ولاهنت مشكور