( سوّد الله وجهها ) !!

[محمد العريــدي]

جديدهه .. أتمنى أن تنال الرضى و ترقى لـ سمو أذواقكم :

[poem=font=",5,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يا خفوقي ليه عنها ما سليت = ليه ما عندك على الفرقا شجاعه
أنت كنك عن جفاها ما دريت = كيف ترضيك الجفيّا و القطاعه ؟!
أنتهينا .. و أنت منها ما أنتهيت = و البلا راحت و لا فيها ( طماعه )
ما استحت منك , و أشوفك استحيت = و أستطاعت و أنت ما فيك إستطاعه
لملم شتاتك .. و سو نفسك نسيت = راس مال الصد يبغى له قناعه
أعتبر من راح و أقفى [ شخص ميت ] = و أعتبر من جاك يسوى له [ جماعه ]
الهنوف اللي لها في القلب بيت = استوى عاليه عندي نفس قاعه
أنهدم بيدينها .. من دون كيت = بعد ما كانت ( تماري ) في إرتفاعه
دام ما اذكر يوم زليت و خطيت = ما أحتري في صدة العالم ( شفاعه )
أذكر إني قد عطيت و قد رفيت = مير بعض الناس تعجز في سناعه
جيتها بالطيب , كفيت و وفيت = و لا صحيت الأ على [ طعنة بشاعه ]
كيف ( تتركني ) و انا اللي ما رضيت = إني أتركها كذا لو كان ساعه
ول يا قلب(ن) من الفرقا قضيت = أختلط صدمة مشاعر فوق راعه
لا تثنى .. و الله إنك لا أنثيت = يلحقك من ( طاري الفرقا ) مجاعه
سوّد الله وجهها لو ما هقيت = تترك اللي ( حبها ) لأقصى نخاعه
دامها راحت انا منها أغتنيت = في امان الله ويقفاها و داعه
ما ملكت من الحياه و لا خذيت = غير بيت ٍ ما انكتب مثله قناعه
أعتبر من راح و أقفى شخص ميت = و أعتبر من جاك يسوى له جماعه[/poem]



خروج :

[poem=font=",5,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
يالله يا قلبي شد حيلك , و أحزم أمتعة الرحيل = ما عاد به مقعاد لعيونك ولا لعيونها
ما دام اختارت لك الفرقا .. و درب المستحيل = اليوم مر بدونها , و بكره يمر بدونها [/poem]

[وجودك يكفي]

صح لسانك يامحمد العريدي

احترامي

[مهـرة مـطير]

"
دامـهــا راحـــت انــــا مـنـهــا أغـتـنـيـت
فـــــي امـــــان الله ويـقـفـاهــا وداعـــــه


/
أبدعت يَ شآعرنا مـحـمـد صح لسانك

أبيات في غاية الروعه راقت لي حيييل

[اصايل]

كااااايفه

صح لسانك واعتلا شانك

لاهنت

[{ أبوفيصل }]

صح لساااانكـ يالعريدي

ابيات روعه وهادفه والله يزيد روحك عز وقناعه
لاهنت محمد تحيتي

[الأدميرال]

صح السانك يامحمد
قصيده وافيه

[رغدالشيباني]

يالله يا قلبي شد حيلك , و أحزم أمتعة الرحيل
ما عـاد بـه مقعـاد لعيونـك ولا لعيونهـا
ما دام اختارت لك الفرقا .. و درب المستحيل
اليوم مـر بدونهـا , و بكـره يمـر بدونهـا


العريدي

ياسلام عليك وصح كلك

شموخ وعزة نفس لاتضاهى

لاهنت

[عبدالله بن ذيب الدوسري]

صح لسانك واعتلا شانك

تحياتي لك

[ابوتركي العنزي]

صح لسانك على هالطيبه