ماهــــــــــوب على كيفك تبيــعه وتشريـــه

[سهيل بن غانم]

السلام عليكم ورحمة الله وبركاته

اسعد الله اوقات الجميع بالخير والمسرات ..اليكم هذة القصيدة تعبر عن نفسها




بالله ياعيني لاتبكين مافـــــــــــــات***كف الدمع ياعين بالله كفيــــــــــه

حتى ايش لو قلوا رجال الشكالات***وقتن مضا وقفا على كل مافيـــه

لو تنثرين الدمع ياعين زافــــــــــات***ماهوبراجع وقتنا اللي بكيتيــــــــه

انا انزعجت من التفاكير بالــــــذات***يوم اذكر الماضي ومره وحاليــــــه

يوم الرجال اهل الوفاء والمــروات***اللي تعز الضيف والجار تغليــــــــه

تلقى المحبة في قلوب القرابات***والبغض ماتسمع مع الناس طاريه

واليوم وقتن صار فيه اختلافـــات***كثرو شياطينة وكثرو مواذيــــــــــه

احدن يجيله فالمجالس دعايــــات***واحدن ماتذكر فالمجالس حسانيه

لو هو كريم وله مع الناس وقفات***قليل من يذكر ويشكر مساعيــــه

ياكثركم ياللي تبون الزعامـــــــات***والكل منكم شايلاته هقاويـــــــــــه

ولاشوف فيكم لزعامة علامــــات***الا علامات الردى والمشاريـــــــــــه

والخاتمه لطيب فالناس سادات ***ماهوب على كيفك تبيعه وتشريـــه

ياللي مسويلك احزاب وعصابات***هون على روحك ترى الموت قافيه



سهيل بن غانم

[هتلر عتيبة]

صــــــــح لـــــســـانــكــ

قــــصـــيدهــ رائـــعــه وتـــحــكــي ظـــروفــها

وبــالنــســبــه للكــلمــات حــقــيــقــه واقــعــيــه


ســـلـــمـــت عـــ هــذا الأبــداع

لــكــ خـــــالــص الـــــــود

[وجودك يكفي]

صح لسانك ياسهيل بن غانم


احترامي

[الأدميرال]

ياللي مسويلك احزاب وعصابات***هون على روحك ترى الموت قافيه

صح السانك ياسهيل بن غانم ولاهنت

[اصايل]

صح لسانك اخوي

لاهنت

[سهيل بن غانم]

هتلر عتيبة >>وجودك يكفي>>الادميرال>>اصايل

صحت ابدانكم جميعا ولكم التقدير على مروركم

[رشيد الكسر]

صح لسانك ياسهيل

رائعه بروعة شاعرها

كل التقدير

[سهيل بن غانم]

رشيد الكسر ..صح بدنك والله لايهنك

[أبوسيف]

صح السانك

[عبدالله بن ذيب الدوسري]

صح لسانك واعتلا شانك

تحياتي لك