اني اخوكم صالح الخفاجي وهاي اول قصيدة انشرها في ميدان عتيبة العرق واشكر اخي جراح
على دعوته
لي لهذا الصرح الشامخ
يـــــــكــــــــرررم
.
.
.
.
[poem=font="Simplified Arabic,6,black,bold,normal" bkcolor="transparent" bkimage="backgrounds/33.gif" border="none,4,gray" type=2 line=0 align=center use=ex num="0,black"]
ياطول ليلٍ نعيـش بوسـط ديجـوره=
وعيوننا اللي نشوف بهـا يغمغمهـا
لاهين ساليـن والاحـوال مستـوره =
نوخـر الرجـل والاخـرى نقدمهـا
قلـوب عدوانـا بالحقـد معـمـوره =
وقلوبنـا صافـي النيـه تلازمـهـا
ياكم وكم مرروا بالصوت والصـوره =
تمشي ووحده من العشرين نفهمهـا
واليوم خيـر البرايـا حرفـوا دوره =
واستهزو بسيد السـادات واكرمهـا
يكرم نبي الهدى اللي عمنـا نـوره =
عن صورةٍ زمرة الشيطان ترسمهـا
شفيعنا يوم كـل الخلـق محشـوره =
محشوم يارمزنـا والرسـل خاتمهـا
محبتـك يـارسـول الله محـفـوره =
بقلوبنـا مالـهـا نــدٍ يزاحمـهـا
وامتك عن نصرتك ماهي بمعـذوره=
والوقفـه الصادقـه بانـت معالمهـا
رداً على المجرم اللي مـد حنجـوره =
الموت والنار جعلـه مـن غنايمهـا
حنا اتفقنـا وكـلٍ سجـل حظـوره =
السلعـه الدينماركـيـه نحرمـهـا
خل الخواجه مع بقرته ومـع ثـوره =
وكلابه اللـي تشمـه ويتشمشمهـا
حيثه يشابه لها فـي كامـل أمـوره =
بهيمـةٍ ماتميـز مــن بهايمـهـا
حفر لنـا حفـرة تقـول ماصـوره =
ومن شين حضه وشينه طاح في فمها
والله ليبطي وهو ماطابـت حـروره =
وبضاعته كاسـده محـدٍ يساومهـا
امة محمـد بقـو العـزم مشهـوره=
وفي حزة المعضله يظهـر تلاحمهـا
وقفاتها من عظيم الشـان منصـوره =
جيوشها الشعـب والقـاده تزعمهـا
ياسبق الشعر حبي خشم اخو نـوره =
وحبي يمينه عسـى ربـي يسلمهـا
العاهل اللي عليه البيـض منشـوره =
طوال الالسن عن الاسـلام يلجمهـا
أمر بسحب السفير وجا على شـوره =
وامة محمـد علـى الطالـه تقدمهـا
وبليس مدحور واللي معه مدحـوره =
بعد التبجـح تبـي تبـرد عزايمهـا
[/poem]صالح الخفاجي
| 
|
05-17-2006, 04:41 PM
العرض العادي
