*يـا ليتنـي خدامـة بيـن اياديـك .. من شان اشوفك كل يوم برضايـا*

[سعد الروقي]

هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقااال ( دار النسيان) والبيت أعلاه يبكي حتى القلب القاسي

اترككم مع القصيده

[poem=font="Arabic Transparent,4,black,normal,normal" bkcolor="transparent" bkimage="backgrounds/8.gif" border="none,4,gray" type=0 line=0 align=center use=ex num="0,black"]
وين انت يا حمدان امـك تناديـك=وراك مـا تسمـع شكايـا وندايـا

يا مسندي قلبي على الدوم يطريـك=ما غبت عن عيني وطيفك سمايـا

هذي ثلاث سنين والعيـن تبكيـك =ما شفت زولك زايـر يـا ضنايـا

تذكر حياتي يـوم اشيلـك واداريك = والاعبـك دايـم وتمشـي ورايـا

ترقد على صوتي وحضني يدفيـك = ما غيرك احدٍ ساكن فـي حشايـا

واليا مرضت اسهر بقربك واداريك =ما ذوق طعم النوم صبـح ومسايـا

ياما عطيتك من حنانـي وبعطيـك = تكبـر وتكبـر بالأمـل يـا منايـا

لكن خساره بعتني اليـوم وشفيـك =واخلصت للزوجه وانا لي شقايـا

انا ادري انها قاسيـه مـا تخليـك =قالت عجـوزك مـا ابيهـا معايـا

خليتني وسط المصحه وانا ارجيك = هذا جزا المعروف وهـذا جزايـا

يـا ليتنـي خدامـة بيـن اياديـك= من شان اشوفك كل يوم برضايـا

مشكور يا ولدي وتشكر مساعيـك = وادعـي لـك الله دايـم بالهدايـا

حمدان يا حمـدان امـك توصيـك =اخاف من تلحق تشـوف الوصايـا

اوصيت دكتور المصحه بيعطيـك=رسالتـي واحروفهـا مـن بكايـا

وان مت لا تبخل علـي بدعاويـك = واطلب لي الغفران وهـذا رجايـا

وامطر تراب القبر بدموع عينيـك= ما عـاد ينفعـك النـدم والنعايـا[/poem]
منقــــــ طبعاَ ــــــــــــــــــوله

[العريدي11]

لا حول ولا قوة الأ بالله
كما تدين تدان لو بعد حين
الله يهدينا ويهدي كل مسلم اشكرك علي القصيده
الله لا يهينك

[فواز الشيباني]

لا حول ولا قوة الأ بالله

مشكور اخي الكريم

يعطيك العافيه على القصيده المؤثره

[اخو من طاع الله]

ابيات مؤثره بلفعل

ما قصرت يا ابن روق على نقلها

[النـايــــــف]

صح لسانك اخوي سعد الروقي


وصح لسان شاعرها


وبيض الله وجهك يا الغالي


على هذا الاختيار


تحياتي لك ،،،،

[نور العمر]

[align=center]

يعطيك العافية
اخي سعد الروقي على النقل

شعر ولا اروع منه طالع من القلب

بس ما اقول الا الله يهدي شباب هذي الايام..

واقول اللي ما فيه خير بأهله ما فيه خير للناس

مثل ما يقولون كما تدين تدان، وأي شخص يسوي كذا بوالديه راح يجي اليوم اللي يحس بمرارة ما حسوا به والدينه.

شكـــرا

نــــور العـــمـر[/align]