سآكت وأنا في داخلي زحمة أصوات

[حاشره بليس بكيس]

السلام عليكم ورحمة الله وبركاته
بدون مقدمات إليكم رائعه../(محمد الحويمآني)

ساكت وأنا في داخلي ( زحمة أصوات )
هادي وأنا هوج .. العواصف بعيني !!

يالشعر أنـا ضاقـت عليّ المساحات
وحتى الدروب لكل ( تيــه) تهديني

لله يـا شعـري ولو بعــض الأبيــات
قبـل لا اطيــح من التعب ياعويني

من كثر مافيني ../ من الحـزن مرات
أحس حتى اللي ( معـي ) مايبـيني

ما فات مات ( العفـو) مافات مامات
مافات كله ../ عايش بخـير فيني

ولاّ وش اللي حـدني بعض الاوقـات
أرمي ع/ راحـة يديـني جبيني ؟!

وش فيك ساكت ماورى هذي سكات
عجـل علـيّ قصـايــدي تحترينــي

خذني لهن ( واحـد ) غدى كله شتات
من سهد عيني ../ لإرتـجافة يدينــي


مشتاق أرددهن من الذات للـــذات
( وأحكي لهن وأحكي بهن و أحتـويني )

ولا الأكيد إني رغـم ../ كـل مآفآت
عجزت لا ألقى لي ( كـلام ) يحكيني

ساكت وأنا في داخلي ( زحمة أصوات )
هادي وأنا هوج .. العواصف بعيني !!

من كثر مافيني ../ من الحـزن مرات
أحس حتى اللي ( معـي ) مايبـيني
..
وسلامتكم../ إن شاء الله تجوز لكم

[وجودك يكفي]

قصيده في منتهى الروعه

لاهنتي ياريم على الإختيار الموفق والطرح الجميل

احترامي

[حاشره بليس بكيس]

المشاركة الأصلية كتبت بواسطة وجودك يكفي قصيده في منتهى الروعه لاهنتي ياريم على الإختيار الموفق والطرح الجميل احترامي

تسسلم من ذوقك
حياك الله

[شـوآق]

ما فات مات ( العفـو) مافات مامات مافات كله ../ عايش بخـير فيني

ريم

ماراح انسى اسم هالشاعر
صح لسانه وسلمت ِ يمناك ي مبدعه


جازت لي بالحيل
لاهنت ِ

[حاشره بليس بكيس]

المشاركة الأصلية كتبت بواسطة شـوآق ريم ماراح انسى اسم هالشاعر صح لسانه وسلمت ِ يمناك ي مبدعه جازت لي بالحيل لاهنت ِ

الله مير يسلمك وحيااك الله