ا لـــــد ويــــــــــش

[ابن مسلم]

بسم الله الرحمن الرحيم

هذه القصيده موجهه للأخ والزميل المقدم / سعود بن بندر الدويش

لعلها تعبر عن مااكنه له من صداقه وتنال إستحسانه وإستحسان الجميع

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
يابو فهد ود الرساله للدويش =لسعود بن بندر وسلملي علاه
وطمن عساه بخير وبصحه يعيش = الصاحب اللي من يعرفه ماشناه
شيخن وريث إشيوخ ماتقنى الكديش = أمطير حمر ان النواظر في ذراه
قومن ليا جوا قوم خلوها طشيش =من فعلهم كم فارس (ن) شيخه نعاه
وسعود بن بندر عمى عين الغشيش= ماوالله أردا حظ خصمه لانواه
ليا غضب مثل الحنش جاله وشيش= وليارضا تعال واخذ اللي تباه
أقولها وادوش بها الغاضي دويش = قولن صحيح ومنه ماأدور جزاه
وانا من اللي ذكرهم ينعش نعيش = سبع الخلا من فعلهم يلقى عشاه
ربعيى ليا طاش العدو فوقه تطيش = أعتيبه الهيلا مطوعة العصاه
يحرم على عينيه لوترمش رميش =عدوهم يبطي منامه ماهناه
واقبل تحيات (ن) منقشها نقيش = يالصاحب اللي مالكن قلبي غلاه
[/poem]

وسلامتكم

[اصايل]

ليا غضب مثل الحنش جاله وشيش
وليارضا تعال واخذ اللي تباه

ربعي لياطاش العدو فوقه تطيش
اعتيبه الهيلا مطوعة العصاه

كفو
صح لسانك مدد

[مهـرة مـطير]

ابن مسلم

صح لسآنك على القصيده المميزه

والله يديم صداقتكم ولآ يغير عليكم

[امير الغلا]

صح السانك ياابن مسلم

ويستاهل الدويش

[محمد العريــدي]

يسستاهل الدويش كل خير .. و صح لسانك يا ابن مسلم

والله يديم العز و المعزه بينكم

[ابن مسلم]

المشاركة الأصلية كتبت بواسطة اصايل ليا غضب مثل الحنش جاله وشيش وليارضا تعال واخذ اللي تباه ربعي لياطاش العدو فوقه تطيش اعتيبه الهيلا مطوعة العصاه كفو صح لسانك مدد

صح بدنك

وشكرا لك

[وجودك يكفي]

يستاهل المدح ونعم فيك وفيه وصح لسانك على القصيدة الجزله

احترامي

[رشة قلم]

صح لسانك ابن مسلم
قصيده رائعه