~®§§][][ بنـــات الرياض_bnat alryadh ][][§§®~

[سلمان]

بخنبقاتي.....وكلام مصرقع....ليتك تطرقت لهذا الموضوع...لأن هذا الامر هو الذي قصم ظهر البعير على حد قول المثل

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
اخوي ومستشارنا وحبيبنا لاقولها مجامله بل حقيقه يابو سعد


ابو سعد انا معك في ان الروايه كانت خنبوقيه على قولة رجاء الصانع ومصرقعه
لاكن انا اشوف ان الروايه لاهيب قدوه للكتاب العرب ولاهي صاعقه ادبيه نزلت
هي وشهي روايه بسلوب عامي لي انا وللشباب يعني لتحت سن 25 سنه من ناحية الطرح يعني لاهي نقدها بيكون مخصص لادباء ونقاد
زي ماقلت خنبوقيه ( انا ماني قايل ان رجاء الصانع مجنونه بس المثل وش يقول -- خذ الحكمه من افواه المجانين )
يعني رجاء الصانع راعية الخنابق انا في
قرارت نفسي كا شاب سعودي مادافعت عنها علشانها بنت او علشان توافق افكار
اقول انها وقفت في وجيهنا وقالت الصراحه صراحة قمرا ومشعل الي غصوبوهم على بعض وصراحة سديم وليد الي كان فيها وليد
من طائفة هل الغزل وما الغزل الي طلعت لنا برجس وشباب النهضه
صراحة ميشيل وفيصل الي ماتزوجو علشان ميشيل بل العامي بدون اصل صراحة ميشيل الي اهملوها اهلها وتروكها تنجرف تحت تاثير المد الغربي صراحتها يوم قالت اروى بنت شارع الشانز الي في الجامعه
صراحتها في نوري ولد ام نوري
كل ذي نشوفها ونسكت عنها
يمكن انتم ماشفتوها بس قالت رجاء الصانع وماصدقتوها
لاكن ابي اتكلم بل الحقيقه واقول نعم انا اشوف مئات من ميشيل وقمره وسديم ولميس وليد ومشعل وفيصل وفراس ونوري وارى
انا ما ابي اعظم الروايه واقول انها فتحت عقولنا على الي صاير
واقول انها نورتنا لا الكلام ذا غلط
ابو سعد انا معك ان الروايه كان عليها اخطاء لاتعد ولاتحصاء
حتى كان فيه كلمات غير موافقه للمجتمع
انا ماقول ان ذلي بنات الرياض بل العكس فيه شبيهات لهن في جده والدمام وشبيهين للشباب بعد هناك
الزبده الروايه خنبوقيه لاكن لها حسنات
وحنا مانكر انها خالفت التيار المعهود الي هو حنا ناس مانخطي ونظاميين هي قالت الصراحه انا ماعلي من فلسفة رجا الي قالتها وخنبقتها انا علي انا يا انسان
لقيت في الروايه فائده او لا لي انا شخصياً نعم لقيت فيها ما يفيدني
انا اتكلم عن مضمون الروايه لاتكلم عن منظرها الخارجي
نعم فيها وفيها لاكن فيها فوائد حتى لو كانت قليله
لذالك رساله مني موب لك يابو سعد منتو مصدقين رجاء الصانع
عندكم برج المملكه وبرج الفيصليه وعندكم مجمع الراشد وعندكم قزاز وغيرهم
بتشوفون مئات من من تكلمت عنهم رجاء الصانع
اذا كنتم مقتنعين في ان الحاجات ذي صايره طيب ليش السكوت
ليش مانقول الحقيقه هل ستكون الحقيقه مولمه ؟؟
كلنا نعرف ان دينا هو مسارنا في الحياه وهو طريقنا الصحيح ؟؟
يمكن انا اعرف وانتم تعرفون لاكن الي تكلمت عنهم توقعون يعرفون
لا اعلم



لست من كلامي هذا داعم لروايه او مؤيد لها بل على العكس لاكن فيها بعض الصراحه المؤلمه
قريت الروايه عدة مرات ليست مره واحد من اول صفحه الى اخر صفحه في الحقيقه لم اجد ما يسبب كل تلك الضجه



بل العامي روايه من هم تحت الخامسه والعشرون
لاكنها ممزوجه ببعض الحقيقه




وفي النهايه اشكر مستشارنا العزيز وكاتبنا واسر قلوبنا ابو سعد
وزي ما قالت الاخت بنت عتيبه

ابو سعد

يا تاج راسي
بصرف النظر عن بنات الرياض ولا بنات جده
انا اقولها والله اني لو اجمع نصائحك من يوم دخلت المنتدى اني
لا يمكن لي ان احصيها بصراحة بصراحة
وانا لا زلت والى اخر يوم وانا اتعلم منك واستفيد



ماحب اطريك او امدحك انت خابر سلمان وش يمثل عنده ابو سعد



ولا انساء في الشكر كاتبتنا المميزه التي تتحفنا بطرحها وافكارها
الرائعه والحساسه اختنا بنت عتيبه
ولا انساء اخوي حسام هوازن على طرحه الرائع والجميل

وجميع من ساهمو في نقاش حضاري ومميز يليق في هذا المنتدى



وعندي تعليقات على كلام الاخت بنت عتيبه والاخ حسام هوازن انشاء الله


انشاء الله I will be back


THANK YOU

تقبلو تحيات اخوكم
salman
تنويه كلامي هذا هو مجرد رائي شخصي