كيف تتعامل مع الملاقيف ؟؟؟؟

[عهود]

السلااااام عليكم .....
صباااح / مساااء الخير

أحيانا يتناول بعض الناس هاتفك الجوال بدون استئذان ويقرأ الرسائل التي فيه ....يقول الشيخ محمد العريفي ..كان صاحبي من بينهم يتجاذب أطراف الحديث معهم ضايقه وجود هاتفه الجوال في جيبه فأخرجه ووضعه على الطاوله بجانبه ..كان الشيخ الذي بجانبه متفاعلا في الحديث معه من باب العاده أخذ الشيخ الهاتف الجوااال ورفعه اليه فلما نظر الى الشاشه تغير وجهه وأرجعه مكانه كتم صاحبي ضحكه مدويه ولما خرج ركبت معه في سيارته وقد وضع هاتفه الجوال بجانبه فرفعته الي كما فعل الشيخ فلما نظرت الى الشاشه ضحكت بل غرقت في الضحك تدري لماااااذا
جرت عادة بعضهم أن يكتب عبارات على شاشة الجوال يكتب اسمه او عبارة اذكر الله او غيرهااا أما صاحبي فكتب أرجع الجهاااز ياملقووف.
كثير من الناس يمكن ان يتدخل في أمورك الشخصيه فمن الطبيعي أن يركب معاك في سيارتك ويقوم بفتح الدرج الذي أمامه وينظر مابداخله...وامرأه تفتح حقيبة امرأه لتبحث عن أحمر الشفاة أو عن منديل اواواو..وقد يتصل بك فيسألك أين أنت فتقول طالع مشوار فيقول أين ؟؟ ومن معك؟؟ومتى ستعود؟؟
مجموعه من الناااس نخالطهم يعاملوننا بمثل هذا الاسلوب فكيف نتعامل معهم؟؟؟
أهم شيء الا تفقده حاول تجنب المصادمه معه ..حاول الا يزعل منك ..كن ذكيا في الخروج من الموقف دون أن يحدث بينك وبينه مشكله
لاتتساهل بكسب الاعداااء او فقدان الاصدقاء مهما كانت الاسباااب
من أحسن الاساليب للتعامل مع الطفيلين هو اجابة السؤال بسؤال او الانتقال الى موضوع اخر تماما لينسى سؤاله الاول
فلو سألك مثلا كم مرتبك الشهري ؟؟ قل له بلطف وتبسم ..لماذا هل وجدت لي وظيفة مغريه ؟؟؟
لكن سيقول لا لكن أريد أن أعرف ..قل المرتبات هذه الأيام مشاكل..ويبدو ذلك بسبب ارتفاع اسعار البترول سيقول مادخل البترول ..قل البترول هو الذي يتحكم في غلاء الاسعار الا تلاحظ أن الحروب تقوم لااجله ..سيقول لا ليس صحيحا
فالحروب لها أسباب أخرى ..والعالم اليوم مليئ بالحروب وينسى سؤاله الأول ..
وهكذا نستطيع الخروج من المواقف من غيروقوع مشاكل بيننا وبين مع الاخرين

***********
الاحظ في الفتره الاخيره انتشرت اللقافه بين الناااس بشكل كبير وخطير .....بعضهم الله ياهم محترفين لقافه خلاص صارت منهم وفيهم جزء من شخصيتهم ....اول كنا نقول اللقافه قرافه ..كنا نضحك من هالعباره كثير لكن لما دققت فيها من جد لقيت انها قرافه لازم نترفع عنها ومانخوض فيها ولاحتى نقرب منها ..خلاص لما ينتهي كلامك معاي وماعاد لقيت شي تقوله التزم الصمت او وزع نفسك بدل ماتجلس تفتح مواضيع مالها داعي او تسال في خصوصياتي انا وغيري ..او كل شوي تطمر في حلقي بسؤال والا تصرف يرفع الضغط ..ليش تنسى انو من تدخل فيما لايعنيه لقي مالا يرضيه
---------------------> تكره اللقافه والملاقيف

تقبلو تحياتي


منقول مع التعديل

[الـمـلـكـي]

ههههههههههه

ولله الحمـد لحد آلآن مآقد تعـرفـت على ملآقيـف بمعنى آلكلمه

عهود موضوع جميل يستحق آلتقييم

لك آلتحيه,’,’,

[فوفو الطنايا]

ياكرهي للفئه هذي ههههههههه

الحمدلله الله فكني من وحده كانت بس تسألني انتي تحبين؟؟
قلت ايه احب اهلي هههههههههههه
قالت لا: قصدي واحد
قلت : اي احب الملك عبدالله هههههههههههه
اخر شيء ملت وسكتت وقلبتها ضحك ههههههههههههه

اللحين ماعندي صديقات او بنات جماعه ملقوفات الحمدلله ..هههههه

يسلموو عهود عالموضوع الحلووو..

[روقي قرم]

صرآحه انا مابعت جهازي الجوال الا عشان ناس اغليهم شوي جوالك؟! معليش خصوصيه

خلاص رسائل ماني بداخل بالاستديو طيب فيه خصوصيه بالاستديو يرد ياخي خلاص قل ماني معطيك

لي 6 شهور مرتاح جوالي زين يرد ويرسل مافيه استوديو بلوتوث خرابيط <نظام شياب
مع ان ايامي هذي ودي اواكب التطور ولكن نخاف من الفضولين هذا بخصوص الجوال

لكن الفضولين الي وين رايح ووش تبي فيه مريت عليهم صراحه وللحين معهم ومسلك نفسي اقدر اتخارج معهم


لكن الطبع شين شين شين
مااقول الا
والحمد لله الذي عافانا ممن ابتلاهم به وفضلنا على كثير من خلقه

شكرا ياعهود

[عهود]

شاكره مروركم حبااايب قلبي

[وجودك يكفي]

موضوع رائع

لاهنتي ياعهود

[البّدر]

ياكثر الملقف ... !!!
لو نرفع حجر نلاقى واحد متوزي تحتها خخخ
ولد اخوي اكبر ملقوف على وجهـ الارض .. ومع ذلك اتلذذ بلقافته ...!

على طاري اللقافة في محلات الجولات تباع لزقة تحط على شاشة جهاز البيبي
تسمى .. " لزقة الملاقيف " .!

[عهود]

الف شكر اخوي البدر

[ولايـــف]

الله يصبرنا على الملاقيف
و ي كثرهم ب مجتمعاتنا
تسلم يمينك .. عهود

[سعود بن سلمان]

كثير من التصرفات تعود فى الاصل الى ثقافة المجتمع

والا من البديهى ان لا تقترب الى ما لايعنيك سواء كان تصرفا يدويا او كلاما اوغيره

جميل جدا موضوعك

انتى دائما متميزه

رعاكم الله