المرجله...!

[ملكة الأحساس]

[align=center]

قصيده اعجبتني وحبيت انقلها لكم

[frame="5 80"] المرجله مدامها شماغ وعقال
قل للعذارى يلبسنّ العمايم

ما عاد يفرق زول حرمه ورجال
دام الفعايل تشبه البعض دايم

المرجله ما هيب كلمه وتنقال
وتروح ما راحت هبوب النسايم

وإلا خشونة صوت أو رفع الأثقال
أو رزة صدورٍ وفعل الزلايم

ولا هي بعد مفتاح موتر وجوال
وإلا ردى لسانن حديثه شتايم

المرجله شيمه عن القيل والقال
ورفيع نفسه دوم بالجو حايم

المرجله عقلٍ وزن وزنه جبال
ودون العقل وش فرقنا والبهايم

يا مسندي لو مايل الوقت بي مال
يا ولد أبويه يا عظيم العزايم

يا معرب الجدين من العم والخال
يا نخوة المفزوع وقت الهزايم

المرجله يا خوي هي طولة البال
هيّ العزم هيّ الصبر فالظلايم

فيها الكرم عزه ودله وفنجال
فيها الكرامه عن ردَى الطبع شايم

والدين لامنه خذا القلب منزال
مشى طريق الحق وابليس نايم

ومن لا عرف ربه على طيّب الحال
لابد وقت الضيق بالهم هايم

حتى صلاتك مع جماعات ورجال
في خيرها يا خوي نعم الغنايم

ولامن نصف ليلك فقم صفي البال
يا عظمه أجرك بين ساجد وقايم

ولا من رفع ربي لكم كل الأعمال
حسن الذكر لا قالو فلان صايم

وخلك شريف القصد يا طيب الفال
سوء المقاصد فالبيوت الهدايم

واحذر تبيع النفس في درب الأنذال
وتتبع خوي إبليس راع النمايم

النفس خيل لك إذا كنت خيّال
ومن لا قوى نفسه قوته الهزايم

ولا صرت ما تدري لو يش أنت رجال
والله خسارة فيك ذبح التمايم[/frame]
\[/align]

[ç£àSsْIç]

[align=center]المرجله شيمه عن القيل والقال
........................ ورفيع نفسن بالجو حايم

المرجله عقلٍ وزن وزنه جبال
....................... ودون العقل وش فرقنا والبهايم [/align]



[align=center]الله عليك . وليتنا عرفنا أسم كاتبها . لآهنتي على النقل ياعاشقة [/align]

[كــــآتــم المـــــعنى]

عاشقة عتيبه


قصيده رائعه


تشكرين على نقلها

وننتظر جديدك

[ރالزيــاديރ]

عاشقة عتيبة سلمت اناملك على النقل الرائع

تحياتي لك

[ملكة الأحساس]

[align=center]
الله يسلمكم
يعطيكم العافيه على مروركم [/align]

[ستار موون]

الله

بالفعل رووووعه

صح لسان شاعرها وناقلها

مشكوررره عاشقة عتيبه

[الرومنسي]

روعه

تسلمووو يا الغلا على النقل الرائع

[ملكة الأحساس]

[align=center]تواجدكم في متصفحتي المتواضعه زادها بريق وجمال

فبمروركم انثر لكم باقه ورد معطره بكل انواع العطور

وأبعث شكري وتقديري عبر هذه المتصفحه

دُمتم بود ووفاء[/align]

[عاشق المساري]

يعطيك الف عافيه على النقل