عندي مسألة

[فـهـد العتيبي]

****
***
**
*
والله ان العيش حلـوه لا هويـت مكملـه
تملا عينك كل ماحنـت وللزيـن طلبـت


بنت لو كل العذارى فـي حلاهـا مْشَكلـه
ماشتكت بنت الهوى بان المواعيد كذبـت


عينها مااقوى عليها ولو امـوت مـحلله
مو بيديها ذبحتي والا القصاص ليا ذنبـت


ويل حالي من يديهـا لا تصافحنـا بولـه
ملمس كفوفي بعدهـا بالنعومـه رطبـت


جاز لي في خدها انطق قبل ابوس البسمله
وفي نهايـة بوستـي الحمـدلله وجبـت


لاتقولوا جاب بدعه وين هـي المشكلـه
خدها نعمه وفعلـي فـي احاديـثٍ ثبـت


حتى كيفي مستحيل اشرب واكيف واعدله
غير لامني شربت الكاس من حيث شربت


من كثر ماكان ودي مـن لقاهـا اجملـه
حارتَ افكاري بمـا ودّ الامانـي وتعبـت


استشرت اصحاب عمري قلت عندي مسأله
كيف يحلى الفم اكثر لا طلبتـه ورغبـت


قالوا الفم ان تبسم كانـك تزيـد عسلـه
لاتبـوس البنـت الا لابتسامتهـا لعبـت


ضحكوني وقلت بدري ماهي هذه المعضله
مشكلتها تغري اكثر لاالشفايـف عصبـت


وان بغيت العيش يكمل وبالسعاده تـفلله
اعشق الي لو تَغَيِّبْ كـل دنيـاك غربـت



فهد العتيبي

__________________

ْْْْْ ْ ْ ْ ْ ْ ْ ْ ْ ْ ْ ْ ْْ

[رشيد الكسر]

رائع يافهد العتيبي

رائعه بروعة شاعرها لاهنت .. صح لسانك

ارق التحايا

[فـهـد العتيبي]

المشاركة الأصلية كتبت بواسطة رشيد الكسر رائع يافهد العتيبي رائعه بروعة شاعرها لاهنت .. صح لسانك ارق التحايا

انت الاروع وانا اخوك
تقديري وتقدير الشعر لك