حنا عتيبه سجل التاريخ عنـا مـن سنيـن

[الأمير الفارس]

في مصدر التاريخ ياقاري تراث الاولين

وش لون ماشفت الرجال اللي عريب جدّها
شمس الحقيقه بينه ماننتظر متى تبين
قصر كلامك لاتعاتبني يمينك مدّها
وصبر وتاخذ مني العلم الموثق واليقين
علوم صدق عن الرجال وللرجال تعدّها
ركز معي فيما حصل وفتح مسامعك الثنين
واخذ الحقيقه مني وعن غيرها اذنك سدّها
حنا عتيبه سجل التاريخ عنا من سنين
امجادنا وافعالنا فالباب الاول عدّها
يوم الزمان اللي رحاه ادور والعالم طحين
وايامه سباع ضواري والسنون تحدّها
تحط ماتلزم على اللحيين والقاسي يلين
وبيوت مبنيه على عز وعزاز تهدّها
كانو منول في قرى الحره وجوك محولين
مثل الخيال اللي صليب الارض يسلب خدّها
قوم لهم هيبه واهل قوة واهل جنب متين
نجد انزلوها بالسيوف اللي رهيف حدّها
ثم ادحمو عنه القبايل من يسار ومن يمين
كم قوم تستولي منازلها وتشرب عدّها
قبيلة يوم الجواهل سقم عين المعتدين
في ساحة الميدان يرجع بالهزيمه ضدّها
لطامت العايل بحد السيف والرمح السنين
كم عايل ياقف على حده ماياصل حدّها
ذباحت الحايل لضيف الله وقوم غانمين
لو الليال الغبر شحت ماتشح بمدّها
ودخيلهم دايم عن الضدات فالحصن الحصين
بعد الله المعبود يامن فالوجيه وسدّها
قبيلة بالعز عاشت من قديم وهالحين
في ظل حكام الشريعه والمروه والدّها
اهل العداله والنضام اللي على مله ودين
تحكم بحكم الله وشرعه والمهمه قدّها
صرنا مع الدوله وحكام الشريعه واصلين
نخدم علمنا وندعونا فاللزوم نسدّها
عهد(ن)مضى والحي يمشي مع طريق الميتين
بعد بنوها بالمعزه مانروح نهدّها
من دون قاصر فالقبايل والرجال الطيبين
اهل الوفاء دايم تمد الطاله وتمتدّها
وختامها على من ارسل رحمة(ن) للعالمين
صلاة ربي عد من عينه لمكه لدّها

م/ن

[إبن ثعلي]

لاهنت يالأمير على نقل هذه القصيدة الرائعه في مدح قبيلة عتيبه الهيلا

[الأمير الفارس]

وياكـ سلمت يامديرنا الراقي

أسعدني مروركـ ومشاركتكـ الرائعة يا

إبن ثعلي

شكراً لكـ

تحياتي

[وجودك يكفي]

قصيدة شامخه

لآهنت على النقل وبيض الله وجهك

[الأمير الفارس]

وياكـ سلمت ياراقي ووجهك أبيض

أسعدني مروركـ ومشاركتكـ الرائعة يا

ولد ثابت

شكراً لكـ

تحياتي

[عزيزة الجناب]

الامير الفرس

ونعم بعتيبه دون قصر ف القبائل الاخرى

شامخه كالممدوحه

سلمت ع النقل

لاهنت

[الأمير الفارس]

المشاركة الأصلية كتبت بواسطة عزيزة الجناب الامير الفارس ونعم بعتيبه دون قصور ف القبائل الاخرى شامخه كالممدوحه سلمت ع النقل لاهنت

وياكـ سلمتي ياراقيه

أسعدني مروركـ ومشاركتكـ الرائعة يا

عزيزه

شكراً لكـ

تحياتي

[شموخ طفله]

مااجملً قلمكَِ اجلس أتأمل كلماتكِ اقف امام خاطرتك اعجز عن وصفها من روعتها


كل كلمه تحمل رحيق الاحآسيس تتحول الكلمات بين أناملك لذهب صافي ابدعت في


خطها و تنسيقها من القلب شكراً لعبقك المندثر اتمني لك كل خير

[الأمير الفارس]

سلمتي ياراقيه كلكـ ذوق

أسعدني مروركـ ومشاركتكـ الرائعة يا

شموخ

شكراً لكـ

تحياتي

[روقي ماركه]

يسلموووو ع النقل
صح لسان كاتبها