مجاراة لقصيدة زيد بن راجح التي رثى بها الشاعر المرحوم عايض بن سرحي العتيبي

[محمد بن دغيم السميري]

المشاركة الأصلية كتبت بواسطة زيد بن راجح [poem=font=",6,darkred,bold,italic" bkcolor="transparent" bkimage="" border="none,4," type=2 line=0 align=center use=sp num="0,black""] على فقيد الوفا يا دمعتي هلي = وستنفري يا بحور الشعر ووزانه ودي بمرثيتٍ يبرد بها غلي = ولا كثير المراثي ما لها خانه الحزن من فقد عايض صابني كلي = ماهوب محصور في قلبي وشريانه صاف السريره عدو البخل والذلي = ومروض النفس لضيوفه وجيرانه يمد ما يملكه لو كان في قلي = وفي وجه من يقصده ما صك بيبانه كنه على اكبر خزينه بنك متولي = من جاه ما يرجع الا ايديه مليانه دماح زلة خوي الجنب وإن زلي = رافي خمال الرفيق وماسح احزانه سيفٍ ينومس بحده كل ما سلي = يردع به المعتدي ويهيب شيطانه الحق عن موقفه ماهوب متخلي = والكذب والزور ما ينطق به السانه حلال مبهم عقودٍ مالها حلي = واليا عطى عهد مهما صار ما خانه اكثر خواني وفاء واقرب صديقٍ لي = خذت العزى فيه لبقومه وعتبانه يا رب تجعل كريم النفس في ظلي = في روضٍ اتحفه انهاره ورمانه عبدك قليل الخطا صوام ومصلي = اطلبك تملى من الحسنات ميزانه [/poem]

الشيخ الشاعر:زيد بن راجح البقمي

[frame="6 98"][frame="9 80"]
اعتذر لكم عن غيابي الطويل والذي له مايبرره
من ظروف الحياة التي تعلمونها واحببت بعد هذا البطاء
مصافحتكم بهذه القصيدة والتي جاريت فيها اخي الكبير والقدير معاً: الشاعر العلم
الشيخ زيد بن راجح البقمي التي رثى بها الشاعر الصريح : عايض بن سرحي العتيبي




[poem=font="times new roman,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ولي يادنيا العناء مليون ثم ولّي=يامى فقد فيك من خل ٍ لخلّانه
دار الفناء الزايله ماهيب دار ٍ لّي=دام الفتى فألوريد الموت ديانه
اصبحت فيها من ثيابي يزوّلي=اشوف فألمسلمين فعولها شانه
لوقلت ابا ارتاح وادله ويش غادٍ لّي=يحزنّي اللي فقدت وصعب نسيانه
الله بحيل الولي يوم الله امهلّي=لين اصبحت لحيتي بالشيب نصفانه
يهديني لتوبةٍ تجتاح مازلّي=من صفحةٍ فالخطاء والذنب غرقانه
قبل المنايا تخطّفني وتوصلّي=وارحل وكبدي لعفو الله عطشانه
من باقي العمر مدري ويش باق ٍ لّي=والوقت خوّان والايام خوّانه
مدري عن الكتب فيها كم مسجلّي=واعمارنا مالها تمديد وصيانه
ولدري عن الحض بكره وش يحصلّي=مير اطلب الله في عفوه وغفرانه
اعد الايام والآجال يدنن لّي=واعدّها زود واثر الزود نقصانه
ينقص من العمر لوهو ماتبيّن لّي=لين آصل المخرج اللي بين جدرانه
ملائكه بأمر خالقنا تعيّن لّي=ولهم مهمات كل ٍ معه ديوانه
اطراه شهم ٍ طراله علم طار ٍ لّي=واشجاني اللي بصدري كنّها اشجانه
هيضني اللي طواريقه يجوزن لّي=صميدع ٍ شيخ عرف وشيخ عربانه
لبسني الطيب من يمناه لبس ٍ لّي=والطيب ملعون من فكّر بجحدانه
سمعت ماقال زيد وزيد مارسلّي=لكن كنه يناديني بقيفانه
واللي فقد زيد فالواقع فقيد ٍ لّي=لو ماأعرفه عرف اعرف علومه الزانه
والطّيب من العرب عدّه رفيق ٍ لّي=ان كان من روق وان كانه من جهانه
وانا من اقوال ابن راجح يخيلّي=ان بيني وبين عايض عرف وميانه
عساه في جنة الفردوس متعلّي=مع صفوة الخلق في حشره ومسكانه
دعوة عسى مثلها ربي يدون لّي= ولزيد راجح وشيباني وشيبانه
يازيد ابن راجح انت اليومه اخو ٍ لّي=واخوك ينقل لكم شكره وعرفانه
ماعدك انته وربعك غير ربع ٍ لّي=يامنبع المجد ياساسه وعنوانه
عن ربعي عتيبه اشكركم ولعلي=يغفر لي الله يوم الحشر سبحانه
[/poem]

محبكــــمـ / محمد بن دغيم السميري




[/frame][/frame]

[ناصر بن سعدي]

الله يرحم الفقيد عايض بن سرحي العتيبي ..

ويسكنه فسيح جناته ..

وصح لسان الشاعر الكبير زيد بن راجح البقمي ... و صح لسان شاعرنا الكبير محمد بن دغيم السميري ..

وقصائد جميلة وفيها قيم ودورس مجانية للجميع ..

[البارع]

صح لسااااانك يامحمد السميري ولسان البقمي والله يرحم عايض وجميع موتى المسلمين

حضور جميل يامحمد ولاتبطي علينا ,,, تقبل اجمل تحيه ..

[حامل السيف]

عبدك قليل الخطا صوام ومصلي
اطلبك تملى من الحنات ميزانه

الله يرحم جميع موتى المسلمين إنا لله وإنا اليه راجعون

[شيخ الشيوخـ]

الله يرحم عايض وجميع موتى المسملين

يابوعمر والله اني عفت شعري بعد هالقصايد

الله يمد في عمرك وفي عمر زيد بن راجح للشعر

انت شاعر نادر يزعل من يزعل ويرضى من يرضى والله ان شعرك يرفع المجتمع الي انت فيه لأنك تكتبه كما ينبغي قليل اسمع مثل هالشعر في وقتنا الحاظر ولايهون زيد بن راجح

سمـعـت مـاقــال زيـــد وزيـــد مـارسـلّـي
لـــكـــن كـــنــــه يـنــاديــنــي بـقـيـفــانــه

وانــا مــن اقــوال ابــن راجـــح يخـيـلّـي

ان بينـي وبيـن عـايـض عــرف وميـانـه

هذي مداخيل ماكلٍ يجيبها

ماتترك احد ينقدك والا يستغرب حظورك ومجاراتك

مدخالك ذرب ومن باب واسع

صح لسانك ياشاعر الجيل

[نايف تراحيب]

يا وجه الله
يا وجه الله
يا وجه الله


عز الله ان هذا هو القصيد !!


صح لسسآنك يا شآعرنا الكبير : محمد دغيم السميري

وصح لسسآن الشآعر الكبير : زيد ابن راجح البقمي

عز الله انكم مبدعين والله يطول في اعمآركم ويرحم جميع موتى المسلمين

هذا وكفى


احترآمي وتقديري



/



،

[فهيد مقعد الرويس]

هكذا ولافلا

لله درك يابوعمر مجاراه رائعه بكل المقايس

ابدعت ولايهون ابوراجح الي ابداعه استهاض ابداعك

وصحت السنتكم جميع

والله يرحم ابوفايز واموات المسلمين

اطيب تحيه للجيمع

[رشة قلم]

صح لسانك محمد والشاعر زيد ورحم الله الموتى جميعا .
أعجبني هذا البيت..

عبدك قليل الخطا صوام ومصلي
اطلبك تملى من الحنات ميزانه
صح لسانك

[فيصل بـن طعيس]

الله يرحم موتانا وموتا المسليمن ويسكنهم فسيح جناته



صح الله السانك يابن دغيم وصح السان ابن راجح



تقبل مروري