حداة اهالي الوريكيه ورد اهالي الصالحيه

[ابن رزن]

بسم الله الرحمن الرحيم



اسعد الله اوقاتكم بكل خير



اضع لكم حداة اهالي الوريكيه ورد اهالي الصالحيه في زواج / خالد بن خالد بن ناصح العازمي العتيبي



وبدعوه من الشيخ / مخلد بن ناصح العازمي العتيبي



وذلك بقصر ابن مرثع للإحتفالات وكان ذلك وسط حضور غفير من قبيلة عتيبه ومن خارجها



ومن اصدقاء العريس من شتى القبائل



وتم استقبالهم استقبال مشرف يعكس كرم العوازم وحفاوتهم



وكما عُرفت قبيلة العوازم من قبل انهم يُعدون من ركائز الشعر واشتهروا قديماً وفي الوقت الحالي



بالحدايا في المناسبات


وكان على رأس اهالي الوريكيه



الشيخ/ محمد بن حجيل العازمي العتيبي



حداة اهالي الوريكيه



الاوله



سلام تسليمة وفا حشمه وقيمه



تسليمة(ن) تضفي على اهل الحفل والنيه سليمه



ياربعنا ياللي مواقفكم مواقيف(ن) عظيمه



مافيه نجم إلآ يباين منزله بين النجوم



والثانيه


صار إختلاف(ن) بالمعالم والطبيعه



والرجل لو يهرج بكلمة حق ماواحد يطيعه



وقت(ن) هول لا مسمن(ن) صيفه ولآ مغنٍ ربيعه



وانته ليا عاينت من بعد النظر منت امحروم



والثالثه



ياويش بنت(ن) تحمل اوصاف الفتوه



تطلع معك في كل وقت وشغلها قوه بقوه



خوية اللي ينقصه عند الطلب فزعه وخوه



يدها بيدك اليا بغيت تشدها عند اللزوم





((رد اهالي الصالحيه))



الاوله



يامرحبا ترحيب والرفقه مقيمه



الله يحييكم بعد جيتو ولبيتو العزيمه



انتم هل الطاله ومن بيت(ن) عسى ربي يديمه



ياربعنا ياللي على الطاله قويين العزوم



والثانيه



ماجاء تغير لا اختلاف ولا قطيعه



واللي يقول الحق ماينكر ومنهاج الشريعه



وانته عيونك لا تخيل البرق لو باين لميعه



خلك على درب المعزه والوفاء طبع القروم



والثالثه



لغزك هذا ماجاء على وقت النبوه



بنت(ن) حديثه وان بدا الازم ترى فيها حموه



دايم تشيل الكايده والها على الشده جروه



واللغز حله جاك مايحتاج توضيح العلوم



** ملاحظـه



حل اللغز الموجود بالحداه هو العفريته



اتمنى ان ترتقي لذائقتكم

اخوكم

ابن رزن


لسماع الحداه بصوت الشاعر/ فهد مدرهم العازمي العتيبي



تفضلوا بزيارة الفديو التالي

[youtube]http://www.youtube.com/watch?v=VGBRDY__W44[/youtube]

[الشامخَ]

لآهنت يا ابن رزن عزالله إني مسجلن عشان ارد على هاذي الحداه يعلم الله ماسجلت إلآ عشانها

بيض الله وجيه ربعنا اهل الوريكيه ذيابه واهل الصالحيه ماعليهم زود

واللغز اللي فيها ماجابها إلا شعارن كبار

ومبروك لخالد بن خالد الله يوفقه

تحياتي يا آلآد عاصي

بدر الدلبحي

[عاشق المساري]

يعطيك الف عافيه على النقل