لاحدك الوقت

[إبراهيم الصيخان]

لاحدك الوقت

ابراهيم علي الصيخان

لاجاك شر بمدتك ترتجي خير
.........لاتــردهـا عــن خـيرـ ٍ لـك حــمـدهـا

احمد مقابيل العطاء لو تجي بغير
.........ربــك عـلـيـم ٍ لو جـحـود ٍ جـحــدهـا

احد ٍ على رجوى الضمى يحمد البير
.........واحـد ٍ إلــى مــنـه رواهـا حـسـدهـا

لاترتجي عند العطاء مدح تقدير
.........بــاب الـمــراء لـلـخــلايــق بــددها

استر بشكوى من رجى منك تدبير
.........لاتـفـضـحـه مــادام يـمــك سندهـا

لاتحتري للخلق شكرك بقطمير
.........عـند الولـي لاطـبـت ضـاعــف عــددها

لاتخشها من كلب جازى بتقصير
.........دامـك رجـيـت الله عــزك عـمـدهـا

لاتجازي الشاكر بجاحد بتحقير
.........تـقـول كـــل الـنـاس هـذي رددهـا

يالله عسى لاحدك الوقت للغير
.........عــنـد خــيـر ٍ لابان خـلـه رفـدهـا

[إبن ثعلي]

صح السانك يااخ براهيم الصيخان
قصيدة جزله في معناها ووزنها ولايعلى عليها
وتحياتي لك

[إبراهيم الصيخان]

المشاركة الأصلية كتبت بواسطة إبن ثعلي صح السانك يااخ براهيم الصيخان قصيدة جزله في معناها ووزنها ولايعلى عليها وتحياتي لك

لاهنت على المرور الطيب

تحيااتي

[ليس فيه]

ماطلعت الصور عندي ياابراهيم

[إبراهيم الصيخان]

المشاركة الأصلية كتبت بواسطة ليس فيه ماطلعت الصور عندي ياابراهيم

الاخ ليس فيه صور شعريه ولا ثقافيه؟؟
لم افهم القصد

[فيصل بـن طعيس]

آبرآهيم صح الله لسانك قصيده جزله وشاعر مجيد في تسلسل الصور لاهنت ونترقب المزيد.




. تقبل مروري .

[إبراهيم الصيخان]

المشاركة الأصلية كتبت بواسطة فيصل بـن طعيس آبرآهيم صح الله لسانك قصيده جزله وشاعر مجيد في تسلسل الصور لاهنت ونترقب المزيد. . تقبل مروري .

لاهنت على المرور الطيب

تحياتي

[بنت الهيــــلا]

صح بوحك ودام قلمك المبدع

تقديري ..