ياطير

[عبدالعزيز الفرج]

السلام عليكم ورحمة الله وبركاته


مساء الخير للجميع


هذي أبيات أتمنى أن تنال اعجابكم



[poem=font="traditional arabic,5,blue,bold,normal" bkcolor="white" bkimage="" border="none,4,gray" type=2 line=0 align=center use=ex num="0,black""]
ياطير ياللي في الفضا دايم تطير = لاوالله ألا حظك إنك تطيري
لاضقت من وقتك وحدك على البير = وأنته منول تشرب من الغديري
خلاك تنزل غصب يومنك اكبير = مايرحمك وقتك ولا فيه خيري
ورفّع مقام البوم حتى أصبح أمير = يومنه منول ذليل وحقيري
لاضقت من فعل الزمن فيك ياطير = اكفخ جناحك للفضا لا تسيري
فارق ديار البوم وجه المخاسير = لعل في فرقاه خير (ن) كثيري
ياطير أنا حالي مثل حالك تصير = الهم والهوجاس دايم خشيري
مادام في هالوقت راع الدنانير = يعطى الأمارة لو ماهو بأميري
ياليت لي مثلك جناحين وأطير = لاضقت من هم (ن) تولج ضميري
وأترك ديار اللاش وجه المخاسير = وألقى بعد فرقاه خير (ن) كثيري[/poem]

وسلامتكم

عبدالعزيز الفرج

[رشة قلم]

ياليت لي مثلك جناحيـن وأطيـر
لاضقت من هم (ن) تولج ضميري

صح لسانك عبدالعزيز
راقت لي بكل مافيهاااا
دمت على الخير

[نايف تراحيب]

صح لسسآنك ياسمي اللي حكم نجد بالسيف :)

احترآمي


/


،

[بنت الهيــــلا]

صح بوحك وطاب حرفك

تحيآتي ..

[عبدالعزيز الفرج]

رشة قلم

نايف تراحيب

بنت الهيلا


صحت أبدانكم ولاهنتو