كبرنا على روس الطواغيت وأذنا

[الصهد]

السلام عليكم ورحمه الله وبركاته

ارجو ان تنال اعجابكم


رفيقي لامني غبت والا اليا من غاب + على العز والنوماس نبقى كما كنا


نحفظ الحقوق ونحتمي الموقف الغصاب + ولا من بغانا في المواجيب حصلنا


سوى أنه من الأقراب ولا من الاجناب + بيوت الوفا تنصب على الطيب وتبنا


مانيب أسمع فيه واشي ولا كذاب + وهو لايصدق ماتقول العرب عنا


هل الغش وأهل النصب قفاية الأصحاب + عسى الله من أهل الزور والكذب يامنا


نقوي العزوم ويفتح الله لنا كم باب + لا قمنا نجامل والزمن مايجاملنا


واليا من رفيقي صد عني بدون أسباب + تفقدت ويش اللي حصل وازعله منا


اذا أني مقصر فاللحا تكرم الأشناب + يجوز الظروف من المعاذير لدنا


واذا كان مستغرب وهو ماله استغراب + كبرنا على روس الطواغيت وأذنا


هذا المختصر وأقروه ياربعنا الغياب + ترانا على الميثاق الأول وما زلنا

[وجودك يكفي]

صح لسان شاعرها ولاهنت على النقل يالصهد

احترامي

[بنت الهيــــلا]

صح لسان قايلها ولاهنت على النقل الجميل
تحيآتي ..

[الصهد]

المشاركة الأصلية كتبت بواسطة وجودك يكفي صح لسان شاعرها ولاهنت على النقل يالصهد احترامي

وجودك يكفي

الله لايهينك على تواجدك الكريم

تحياتي وتقديري ،،،،

[الصهد]

المشاركة الأصلية كتبت بواسطة بنت الهيــــلا صح لسان قايلها ولاهنت على النقل الجميل تحيآتي ..

بنت الهيلا

مشكوره على التواجد

لاهنتي

تحياتي وتقديري ،،،،