][ 0 بـــــعـــــض اطــــــلال 0][

[دانة الغيد]

صباح // مساء الخير ..





.

نبت عشب العتاب ولي سنينٍ والضلوع رمال
ضواني بارقه قلت ابشري.. بي.. ياهماليله ...

سلام ولالبست من القلوب الي عرفت سمال
عدا قلبٍ وعدت اصدف طريقة مثل ..هالليله

أخاف من الكلام الي بغيت اقصاه.. ماينقال
وابقصر فزتـه قامت تطارد بالحشا ‘‘خيله‘‘

عتابٍ يابسٍ في وسط صدري ماقواه الحال
سقيته مزنة الصبر الطويل وعوّد بسيله

كذبنا والصبر مفتاح لأبواب الفرج لوطال
صدقنا والصبر قفلٍ عجز راعيه عن شيله

سهرنا .. لين طلّت بالسما شمسٍ بغير ظّلال
وقفنا .. في ترابٍ ناشفٍ ماه ورجاجيله ..

ركضنا .. والزمن واقف مداه ولاعرف رجال
شحيحٍ .. لوكسبنا دلته يكسر فناجيله

تسابقنا .. وماغير القدم معنا وهو خياّل
تقفتنا الليالي والصدى ماغير نوحي له

خرابٍ ياديارٍ ياكثر وسعك بضيق البال
رحلنا ..في دموعٍ ماعرفنا قبل وشهيله

خرابٍ ياديار ولا بقيتي غير بعض اطلال
سكنها سافيٍ وارخى مغازيه وتعاليله

ابرمي.. ياظما قلبي رمالٍ فيك ماتنشال
وابقطع كل غصنٍ مات بك من قلة الحيله

كفاية .!.وانت بقفاي الليالي واقفٍ بقبال
تعد اللي رحل واللي بقى واللي نشف حيله

كفايه.. وانت تعدل وانت تسند كلٍ نخلٍ مال
كفايه .. كل مامرك حبيبٍ ظل بك ميله

تعب ياعبرةٍ لوقلت هانت والمطر همال
وانا ادري في رحيله في نواياه ومقابيله

خفافٍ يادموعٍ بالعيون وبالقلوب ثقال
اخاف من البكى لامن ضوت فيني قناديله

كذبت وكنت عارف كيف اغني واجرح الموال
صدوقٍ من كذب في ضحكته والدمع يومي له

بعض عقلٍ يزيد العاقل جنون وبعضه هبال
تعذرت العقل لازاد عدله زاد في ميله

على كثر الكلام اللي تطوى بالقلوب حبال
كثير ارحم من الصمت وغيابي هذي الليله .!!







لشـ فهـد دوحان

[وجودك يكفي]

صح لسان الشاعر فهد ولاهنتي يادانة الغيد على الإختيار الرائع والطرح الجميل

دمتي كما تحبين

[نايف تراحيب]

والله انها مجنونه

لاهنتي على هالنقل المميز يادانه


احترامي


/


،

[بنت الهيــــلا]

[align=center]صح نقلك الراقي ولاهنتِ[/align]

[دانة الغيد]

المشاركة الأصلية كتبت بواسطة وجودك يكفي صح لسان الشاعر فهد ولاهنتي يادانة الغيد على الإختيار الرائع والطرح الجميل دمتي كما تحبين

حياك الله اخوي وجودك شرف لي ..

الله لايهينك ..

[دانة الغيد]

المشاركة الأصلية كتبت بواسطة نايف تراحيب والله انها مجنونه لاهنتي على هالنقل المميز يادانه احترامي / ،

الله حيه ... نورت المتصفح بحضورك اخوي ....

تقديري ..

[دانة الغيد]

المشاركة الأصلية كتبت بواسطة بنت الهيــــلا [align=center]صح نقلك الراقي ولاهنتِ[/align]

هلا وغلا فيك اختي ....

لاهنتي على الحضور ..