الشيب وتصور احد الشعراء له

[((الدلبحي))]

الشيب شي لابد منه ولابد ان يمر على كل انسان وواقع نعيشه

وهذه قصة احد الشعراء مع ابنته والشيب:


عندما كان شاعرنا سليمان الثاقب على ارض المطار ليودع ابنته المسافرة الى امريكا مع زوجها للدراسه .

واذا بها تقول قد لاح الشيب في محياك ياوالدي فقال لها سارسل لكي ردي مع البريد قريبا انشاء الله

وارسل هذه الابيات :

[poem=font="Simplified Arabic,6,white,bold,normal" bkcolor="transparent" bkimage="backgrounds/36.gif" border="none,4,gray" type=2 line=0 align=center use=ex num="0,black"]
يابنت عمــري عند ربي حســابه=

والعبد ما له خيـر يـوم يخـتار

كل على لوحــه يســجل كــتابه =

وانا على المكتوب راضي وصبار

وان طق بابي الموت يامرحـبا به =

والمـوت حـق لا مــذله ولا عــار

هذا نصيبــي ما نهبــني نـهابـه =

سـبحان من بامره تصاريف الأعمـار

والمــوت يابنتي تـرى ما يهابـه =

عبد ســجد للــرب طايـع ومختــار

ارجــي من الرحمـن واخشـى عـذابـه =

واداري حــدوده عن العـار والنــار

كل على المكتــوب ينهــج بــابــه=

ما تنفع الحيــله ولا ينفع اعــذار

وكل على وجــهه يلاقــي حســابـه =

عند القــوي الّي عليــم بالأســـرار

عمــر الفتى يمضـي وهو ما درابــه =

بين الرجــا واليـاس حاير ومحتـار

والوقـت ما يضحــك ولو بان نابـه =

وان ضحـك لك يوم فلا شــك غــدار

وان لاح في الشــيب ما هو معـابـه =

الشــيب يابنتـي معــزه ومقــدار

حي البشـير الّي لفــى ياهـلا بـه =

تحيـة ايباس الصحــاري للأمطــار

وان كان شــفتي الشــيب عز ومهابــه=

ما عـذرب صغــــار ولا عـذرب كبــار

كـل بهالدنيــا يولــم زهـــابـه =

والناس فالــدنيا مســير ومــرار

هذا كــتابي وارســلي لي جــوابــه =

عبر الجـهاز الّي غــزا كل الأقطــار [/poem]سليمان الثاقب