اقفت تكلم نفسها بس بسكات
 

تكررت عقب البطا والتقينا = من عقب مامرن سنينٍ طويلات


في صدفةٍ فيها حشا مادرينا = ولاهقينا نلتقي عقب مافات


لاشك جابتها الليالي وجينا = رغم الفراق ورغم ذيك المسافات


في موقٍف بان التوتر علينا = لحظه تلين إبها القلوب القويات


قالت شلونك قلت ربك عوينا = الحمد لله عاضني عقب لوعات


الله رزقني في هنوفٍ تبينا = احيت خفوقٍ كان بعداد الأموات


هي نور عيني فرحتي والضنينا = ألقابها عن ظيقة الصدر سجات


قالت سليت وقلت عقبك سلينا = لكن عقب مالاعنا الحب مرات


قالت شلون وقلت لاتسألينا = مافات فات ولا تفيد الحسوفات


قالت تكلم قلت مهما حكينا = الدمع ماينفع عزيزٍاليامات


قالت نسيت وقلت لامانسينا = لكن قنعنا والقناعه من الذات


قالت أروح وقلت وش في يدينا = روحي عسى في كل خطوه سلامات


بصبر على فرقاك مهما حيينا = ولا تشوه صادق الحب زلات


قالت على ماكنت دنيا ودينا = تكرم ونكرم عن دروبٍ رديات


قلت اسمحيلي قبل لاترحلينا = يم الديار اللي علينا بعيدات


تراي ذخرٍ لاحدتك السنينا = اجيك مهما واجهتني صعوبات


من اليوم اخوك وغيرها ما بغينا = كلي فداك ان صار بالوقت ميلات


وتبسمت بإعجاب مدري حنينا = وتهشمت قدام عيني بعبرات


قالت فمان الله قلت انتهينا = واقفت تكلم نفسها بس بسكات


وقفت تقديرٍ لها ثم مشينا = دربٍ مشوه اهل القلوب العفيفات


امشي واردد ليتنا ماالتقينا = وش جابها عقب السنين الطويلات


منقووووول

ياسلااااام روووعهـ

قصيده جميله .. وكلماتها معبرهـ جدا

لاهنت اخوي ع النقل الرااائع


تسلم

دمي عتيبي
لآ هنتي على المرور العذب واسعدني وجودك


ودي واحترامي

صح لسانك ياول[size="6"][/size]د ثابت...وسلمت على النقل



خذ من ولد ثابت شهاده وتحصيل ...
تحياتي

ياليتنا ما إلتقينا صدق :(


لاهنت إخــوي [color="red"]ولد ثابت[/color] ..


[color="blue"]امشي واردد ليتنا ماالتقينا
وش جابها عقب السنين الطويلات[/color]

بس مدري من [color="orange"]قولك[/color] أم [color="lime"]منقولك[/color] ..؟


أنتظرك ..

لاهنتي وشرفي مرورك واسعدني وجودك ياحورية نجد

لك ودي واحترامي ودمتي بخير يالغاليه

هلابك اخوي ناصر بن سعدي وشرفني مرورك العذب واسعدني وجودك المميز

القصيدة منقوله

احترامي وتقديري لك يالغالي

[color="red"][size="5"]صح نقلك


لاهنت [/size][/color]

شرفني مرورك يا اصايل واسعدني وجودك

ودي واحترامي ودمتي كماتحبين

[font=comic sans ms][size=6]امشي واردد ليتنا ماالتقينا = وش جابها عقب السنين الطويلات[/size][/font]
[font=comic sans ms][size=6][/size][/font]
[font=comic sans ms][size=6]/[/size][/font]
[font=comic sans ms][size=6][/size][/font]
[font=comic sans ms][size=6][/size][/font]
[font=comic sans ms][size=6]رائعه ..شكرا لك..[/size][/font]