سجل حضورك اليومي ببيت شعر او حكمه

[فوفو الطنايا]

موضوعك حلو يسلمووووووو

لازم نكتب بيت واحد مو قصيده صح اوك ههههههههه


ليتك تطيح من السما واتلقاك
من حشمتك ودي تمركى عليه



قصيده لشاعره قديمه الله يرحمه بس روعه ***

[جان دارك]

ماني على ما كنت خابر ومعتاد ...أضحك وكل في الحياة أستشيرة
صلف الهبايب ماتجي غيم وبراد.... الا تضيع راعي عن بعيرة

[واقع من الخيال]

يانفس صدي عمد وارقي من رفاع ليا رفاع
وانتي عزيزة ما رضيتي بالتدني والخضوع
.
تجاهلي وارقي على قمة مراقيب السباع
لو التذلل يشبع الانفس يموت الذيب جوع
.
اصد عن بعض المداخل عمد قصرآ لنزاع
من خوف لاتجذبني الزله وانا رجل جزوع
.
تجزعني الزله ليا جتني من لسان الشجاع
لو كنت اصم ابكم ليا صارت من لسان الدنوع
.
ماني بجاهل مير تحكمني تقاليد وطباع
واشوف ناس مايعرفون النزول من الطلوع

[جان دارك]

مانيب من يطرد سراب بمظماه .... شاف السراب ويحسب إنه غديري

[.. هـإج ـس ..}]

حبٍ بليا شوق ياصح كبه .. وشوقٍ بليا دمع خله يولي

[GHS]

يـآ بآبآ يآ غآلي سدد لي جوآلي
خليني آهني بقدوم رمضـآن

[بنت الهيــــلا]

لقيت لأبيـات القوافـي عفاريـت .. وقضيت معهن وقتي اللي قضيتـه
زاد العذاب وضاق صدري ومليت .. وقريت علـمٍ ليتنـي مـا قريتـه
ما كل من جيته يقـدّرك لا جيـت .. ولا كـل رجـلٍ لا بغيتـه لقيتـه
رجلٍ تعـزّك فزتـه لا تعزويـت .. ورجلٍ يكون احسن إذا انّك عزيته
رجلٍ يقـدّر هقوتـك لا تهقويـت .. ورجلٍ يجي ما هو مثل ما هقيتـه
رجلٍ يلبي دعوتـك يـوم ناديـت .. ورجلٍ حسافه دعوتـه لا دعيتـه

[واقع من الخيال]

اقول : { يامرحبا } ثم تجاوب بـ { كحّـه }
يعني تكابر كن ما شفت مخلوق ... ؟!!

واقول { صحه } لك .. على القلب { صحه }
وامّشّـي أغلاطك ... وأبادلك بالـذوق .. !!

وتقول : { عفوا ً} .. ماعرفتك ؟ .. بـ { بحه }
وانا ادري إن ما بَحْ صوتكـ سوى { الشوق } .. !!

[جان دارك]

ودي اسامـح غلطتـك وانسـى عـنـادك مــع خـطـاك
ودي ولـكـن غلـطـتـك [اكـبــر] مـن إنـي احـتويـك

[GHS]

شكراً شكراً يآبآبآ سددت آلجوآل
وهنيت آهلي وصديقآتي بقدوم رمضآن