راحوا على وضح النقا..،،، وتركوني

[رايـــــه]

يامن يبشرني عن علوم غالين
راحوا على وضح النقى وتركوني

جرة ركايبهم محاها هوا البين
لو يعرفون انه مفارق خذوني

أنا على عهد الغلا ياكريمين
مانسى غلاكم لو بعضكم نسوني

احدن عصابت راس و احدن نظر عين
تمكنوا من خافقي وشعفوني

لو لي رجا دورتهم كل ابو حين
وبحثت عنهم ضمن من يبحثوني

واصغيت للهراج بالزين والشين
لعل ماقاله يقرب ضعوني

واذا هقيت بموقع فيه ناوين
سبقتهم له كود لاجوا لقوني

ثم بعت عمري لاجلهم حاضر و دين
لكنهم ..،،، تحت الثرى وادعوني

جتنا جنايزهم وانا اقول غلطين
آقوول ليت الي معي غمغموني

مابه لقا دام البقا بين الاثنين
يبقى اللقا لا من ربعي بكوني

ودي بلقياكم ولقيا هل الدين
والانبياء في شوفهم شوقوني

في جنة ما نالها الا عظيمين
اغراب وقتي..،،، مار ما غربوني !!

والله ما ارجي غير حاجه وثنتين
الاوله عفوك ليا كفنوني

والثانيه طاعتك فالعسر واللين
والثالثه بري بمن خلفوني


وسلامتكم
الله يحقق لي مارجيت واياكم
قولوا امين

[فهيد مقعد الرويس]

والله ما ارجي غير حاجه وثنتين
الاوله عفوك ليا كفنوني

والثانيه طاعتك فالعسر واللين
والثالثه بري بمن خلفوني

الله الله

يارايه

ابدعتي صح لسانك

والله يرحم الي راحو ويعوض في الباقين

تحيتي وتقديري

[عزوتي عتيبه]

المشاركة الأصلية كتبت بواسطة رايـــــه يامن يبشرني عن علوم غالين راحوا على وضح النقى وتركوني جرة ركايبهم محاها هوا البين لو يعرفون انه مفارق خذوني أنا على عهد الغلا ياكريمين مانسى غلاكم لو بعضكم نسوني احدن عصابت راس و احدن نظر عين تمكنوا من خافقي وشعفوني لو لي رجا دورتهم كل ابو حين وبحثت عنهم ضمن من يبحثوني واصغيت للهراج بالزين والشين لعل ماقاله يقرب ضعوني واذا هقيت بموقع فيه ناوين سبقتهم له كود لاجوا لقوني ثم بعت عمري لاجلهم حاضر و دين لكنهم ..،،، تحت الثرى وادعوني جتنا جنايزهم وانا اقول غلطين آقوول ليت الي معي غمغموني مابه لقا دام البقا بين الاثنين يبقى اللقا لا من ربعي بكوني ودي بلقياكم ولقيا هل الدين والانبياء في شوفهم شوقوني في جنة ما نالها الا عظيمين اغراب وقتي..،،، مار ما غربوني !! والله ما ارجي غير حاجه وثنتين الاوله عفوك ليا كفنوني والثانيه طاعتك فالعسر واللين والثالثه بري بمن خلفوني وسلامتكم الله يحقق لي مارجيت واياكم قولوا امين

الشاعرر


رايه صح لسسسانك على هالقصيده الرائعه


ولاهنتي دايم مبدعه

ويعطيك الف عافيه

[؛؛ابو ريناد؛؛]

راااايه ابدعتي والله يحقق لك مبتغاك ويقبل دعاك

شكراً يارايه

[شيخ الشيوخـ]

اامين
وصح لسانك وهذي الدنيا راحل ونزال


ونرحب بعودتك والقصيدة تروي الذائقة ياراية
صح لسانك

[乂صـواعب乂]

ماشاءالله عليج يارايه ابدعتي

صح لسانج

والله يحقق لج رجواج ،،

ربي لاهانج

[رايـــــه]

الله لايهينكم جميعا..،،
مروركم ودعواتكم شرفتني واسعدتني ..،،،