@@ ولد البدو @@

[الجوووري2]

ولد البدو للشاعره / بذرة غلا


من يعشق ولد البدو عزي لحاله
يجعله ما بين نار وبين فيه

واشهد اني من عرفته قلتها له
ضايعه مابين ذي وبين ذيه

ذوب الخافق وانا كلي حلاله
عايشه من دون قلب مير حيه

اتجاهل كل شي قد مضى له
لجل ما يزعل ويهجرني شويه

اختلاف الراي ما يعني جهاله
واعتراف الذنب ماهو بالخطيه

ما يقصد واشي فيني حكاله
كيف يتبع عاذلن نفسه رديه

هزني بواقع حياته من خياله
وهزته مني مشاعر اوليه

ان زعل قلت الهوى مالي وماله
وان رضى شفت العمر دنيا هنيه

في حضوره جدد الشوق بوصاله
وفي غيابه ماني والله بالقويه

ذا حبيب الروح من يقدر يطاله
ببقى له طول العمر ويكون ليه

حتى نفسي ماتبي شخص بداله
صرت انا ودقات قلبي له عطيه

كل ضلعن من ضلوعي انحنى له
وكل ما صديت صاح الشوق بيه

ضاع عمري والمحبه كلها له
طول وقتي والمشاعر هيه هيه

استحاله اشوف غيره استحاله
محدن يرقا غلاته في البريه

ويل حالي حتى قلبي ويل حاله
ضايعن ما بين ناره وبين فيه





وسلامتكم،،،،،،،،،
تقبلو تحياتي




اختكم،،

@
@@الجوووري@@
@

[نوف]

صح لسان الشاعره وتسلم يمناك الجوووري على القصيده الجميله وتسلمين لي .


تحياتي لك

[الجوووري2]

هلا وغلا باختي

نوف


مشكوره على مرورج ياعيوني،،،،،،،،،


اختج


@
@@الجوووري@@
@

[خالـد]

ولد البدو حلوووووه هذي

تسلمين على النقل


اخوك خالد

[إبن ثعلي]

وراك على ولد البدو يالجوري وعلى العموم مشكوره على هذه القصيده الحلوه
تحياتي

[النـايــــــف]

مشكوره اختي الجوووري


على هذا الاختيار


تحياتي لك ،،،،

[عبدالله المرشدي]

الجوروووووووووووووري 2
صح لسان قايلتها
وشكرا على اختيارك
قصيده روعه
( من عشق بنت البدو ياطيب فاله + اشهد انه طاح في بنتٍ ذكيه)

[الجوووري2]

عبدالله المرشدي



يا هلا وكل الغلا،،،،،،،،،


احمد الله انها حازت على رضاكم،،،


اشكر مرورك صفحتي ياخوي ،،،،



هلابك باي وقت


اختك


@
@@الجوووري@@
@




قال لوحبيت غيرك وش تقول
قلت احاول قد مقدر امنعك

قال لو عيت تطاوعك الحلول
قلت احبه يا بعد عمري معك


تحياتي