[poem=font="simplified arabic,6,black,bold,normal" bkcolor="transparent" bkimage="backgrounds/24.gif" border="none,4,gray" type=2 line=0 align=center use=ex num="0,black""]
ياالله ياوالي ذنوبي تزيلها=ياواحدٍ تحي الشجر من مخيلـها
بقدرتك تامر وتعطي وتنها=ياجابر المكسور مشفي عليلـها
من باب جودك يا إلهي تجيرني=عن الناريوم الحشر كلٍ يجيـلها
امام رب الكون والكل شاخص= ٍ ماعاد عنده حيلةًٍ يلتجي لـها
تحشرجميع الخلق فا لماقف الذي=فيه الحساب وكل نفس وحصيلها
سيه بسيه وكل حسنه بمثلها=تدبل ويحصا دقها مع جليـلها
تحصى البشر والنفس تلقا مقرها=بجنات واللانار يرعب شعيلها
ومن بعد هذا اهدي نصيحه المستمع=عسى لبيب القلب يفهم دليـلها
عسى لبيب القلب يفهم بشرحها=ويعمل ليا سمع المعاني بقيلها
الاوله شهادة الله إلهنا=فردن صمد يحي النفوس ويزيـلها
والثانيه صل الفرايض بوقتها=حذرى تنقص ركنهاوتهليـلها
والثالثه زكات مالك تسوقها=بالك تنقص يا فتى الجود كـيلها
والرابعه تصوم شهرن مفضل =جعلك توافق ليلتٍ تحتسيلها
والخامسه حجه اليا صرقادرً=للكعبه اللي كل مسلم يجـيلها
والوالدين الهم حقوقً على ابنهم=لوهي ثقيله لازم انه يشيلها
امك ليا صا بك مصيبه تشوفها=تنوح والعالم نيامن بلـيلها
لوكان تسهر كل ليلك امن اجلها=الربع منت بواصله من جمـيلها
والضيف هووالجار وصابه النبي=نبينا المختار هو خير جـيلها
وصبرً على الشدات تلقا عواقبه =فيه الفرج من عند منشي مخـيلها
وهرج القفا والكذب جنب طرايقه=مالك ومال الناس جنب سبيلها
والنفس في شهواتها لاتطيعها=ناسٍ تطيع نفوسها عزتي لـها
لياطعتهاترميك في غبت الجهل=خدوع ترمي فا لمهالك عمـيلها
دنياك يامغرور تطحن لك الرحا=لياهاجمت ملزوم تطرح قبـيلها
لوكان هي تصفي ليالٍ من الرمن=ياسرع ماتقلب على الناس مـيلها
لاخير فالدنيا ليا صار طبعها=تسقيك من عقب الحلا حنضليلها
اغنم النفسك فرصةٍ لاتفوتها=نفس الفتى لابدياتي رحيـلها
كم واحدن يابكون فقده قرايبه=فالحفره اللي حط فوقه نثـيلها
وين الرجال اللي لها الجود والثنا=ونجورها فالليل يجذب عويـلها
ذاقو من الدنيا حلاها ومرها=وراحوولاحدن سالم ٍ من غلــيلها
راحو عن الدنيا وهلها ولابقا=سواء الدارخالٍ عقبهامن نزيـلها
دربن مشوبه قبلنا هومصيرنا=ولاغافلٍ في وقته الا هبـيلها
فكربقولي يافتى الجود وانتبه=يكفيك عن كثر السوالف قليـلها
وبختم كلامي مثل ماقلت مبتدي=ياالله يا والي ذنوبي تزيـلها
[/poem]
جهزالهرس
| 
|
10-27-2003, 07:06 PM
المواضيع المتشابهه
العرض العادي
