لغزنا مضرب مثل .محلول

[{ أبوفيصل }]

السلام عليكم ورحمة الله

لغزنا مضرب مثل،، ماله شبيه
العوارف في حلوله ،، ماتضيع

ويش بنتن ،،،، لا بِلي بها نبيه
جات بأخواتن لها تضلع ضليع

والبنيَّه ،، ما يباها ،،، لو تجيه
مير هي وأخواتها معها جميع

يوم صارن حِسبَة أصابع يديه
ماله في مردِّهن،، قدر وصنيع


.

[إبن ثعلي]

اصابع اليدين عشر وفي المثل ترجع ثمان اذا ما حلينا اللغز
نفكر ونحاول نحله يابو فيصل لا هنت

[{ أبوفيصل }]

مالك لوااا ابوعبدالرحمن

[{ أبوفيصل }]

( العشر ترجع ثمان ) مقوله ليست مثل

[إبن ثعلي]

طيب يابو فيصل ويش رايك في المثل رجل الديك تجيب الديك؟

[{ أبوفيصل }]

مالك لوا..

[عهود]

وعليكم السلام
صح لسانك ابو فيصل
ياكثر اللغز كثراااه ههههههههه
لي عودة ان شاء الله

[{ أبوفيصل }]

حياك ربي ياعهود .
اللغز عن مثل دارج ومشهور

[إبن ثعلي]

مثل بعدد اصابع اليدين العشره يمكن يكون الغلطه يعني غلطة الشاطر وهو النبيه إللي اشرته باللغز بعشره
هذا السائد لكنهم غيروها الآن بالف ويش رأي ابو فيصل؟

[{ أبوفيصل }]

المشاركة الأصلية كتبت بواسطة إبن ثعلي مثل بعدد اصابع اليدين العشره يمكن يكون الغلطه يعني غلطة الشاطر وهو النبيه إللي اشرته باللغز بعشره هذا السائد لكنهم غيروها الآن بالف ويش رأي ابو فيصل؟

هذا هو الحل الصحيح لاهنت