عسى السحاب اللي تراكم خـياله

[جهز الهرس]

[poem=font="simplified arabic,6,black,bold,normal" bkcolor="transparent" bkimage="backgrounds/33.gif" border="none,4,gray" type=2 line=0 align=center use=ex num="0,black""]

عسى السحاب اللي تراكم خـياله=جاله رعد وبروق في تالي اللـيل
مزن ٍ من المنشا يهيض اشتعاله=فا لليل من برقه تبين الاقـاذيل
في حكمة المعبود جلا جـلاله=يامر به الرحمن منش المـخاييل
جعله من الساحل وعالي جـباله=ومن شرق شرقي الحفر يذ كر السيل
سيل ٍ يعم من الجنوب وشماله=يعم كل المملكه با التفاصيل
وياخذ شهر في نجد يسقي عـباله=من كشب ياصل سيله اقصا المـكاحيل
وياصل ليا ساجر ويسقي سهاله=هاك البطين اللي بحيد الغـراميل
يعل دار أ هل الوفا و الشكاله=أهل الشجاعه والكرم والتـنا فـيل
ربعي عتيبه كاسبين الجـماله=عاداتهم فا الضيق شرب الفناجـيل
عسى وطنهم يكتسي من جـماله=ويظفي عليه من الخزامى تشاكيل
يطلع ربيع ٍ كل ما جا مـجاله=تضربه الا مثال جيل ٍ بعد جـيل
اللي يشوفه ينشرح ضيـق بـاله=شوف الربيع دواء القلوب الماغـاليل
ليا من عشب البر زان اكتـماله=وضفا على كل السهل والمصاقيل
كل ٍ يربع في محله الـحاله=البدو ما يطرون للحط والشيل
راع الحلال يشوف لذت حـلاله=يـرتاح باله ما يطر المـحاويل
ماعاد يعـطي للمـقاول ريـاله =يفتك من شري العـلف والبـهاذيل
[/poem]



جهز الهرس

[الحصان]

صح لسانك يابوبجاد قصيدة ممتازه

ولعل الله سبحانه وتعالى يقبل دعاك

والله يعطيك العافيه

[هداج تيما]

بيض الله وجهك بين روووووووق

أنشهد أنك كفيت ووفيت وماقصرت

قيده رائعه وشامخه كشموخ قائلها


وصح لسااااااااانك

وأسأل الله العلي القدير أن يستجيب منك

[alwasal]

اخي العزيزق جهز الهرس
صائدك اصبحت بالنسبة لنا كمثل من نام وهو ظمأآآن يشرب في الحلم ويشرب ويشرب ولكن ما زال ظمأآآن ..

نشكرك على ما تفضّلت به علينا لكن ما زلنا نريد المزيد فلا تبخل علينا ولا تتأخّر فنحن بانتظار جديدك على أحر من الجمر ..

تقبل تحياتي وتقديري

[ابـو سعـود]

ابو بجاد صح لسانك

كل ماقريت بيت لقيته احسن من اللي قبله

وكما قال الاخوان .. عسى الله يحيي ارض المسلمين بالمطر

[الهواوي000]

صح لسانك اخوي جهز الهرس
وسلمت يمينك000

[بعيد المراميس]

صح لسانك ياجهز

صح لسااانك

جزله من راس جزل مايحتاااج وانا اخوك الجيد يفرض نفسه


تحياتي لك ولأبداعك


اخوك

بعيد المراميس

[جهز الهرس]

الحصان صح بدنك وشكراً على المرور والمتابعه الجيده



هداج تيماء صح بدنك ووجهك ابيض



اخي العزيز alwasal عندما قرأة ردك الجميل الذي تميز بكلمات رائعه
تعبر عن مشاعرك الطيبه لايسعني الا ان اشكرك شكراً جزيل
على تميزك وتشجيعك لجميع اعضاء المنتدى

[جهز الهرس]

ابو سعود الروقي صح بدنك وشكراً على المتابعه



الهواوي صح بدنك وشكراً لك



بعيد المراميس صح بدنك وشكراً على مرورك



تقبلو تحياتي جميعاً

[الشبلان]

صح لسانك ياأبو بجاد وصف رائع كروعة قائلة قصيدة جميلة والله يعطيك العافية :);)