وإن جاك من نفط السعودي وكركوك

[اخو من طاع الله]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قلت الحقيقة قالـوا النـاس صعلـوك=جيت أتصعلك ما قنعـت الصعاليـك
من عاش بالحيرة غـدا عبـد مملـوك=تلعب به الأحـزان ويزيـد تشكيـك
والصاحب اللي قال مرّة أنـا أخـوك=عوّد على سلـم العـداوات ويحيـك
مدري ورث بيتين وريـال وصكـوك=وألا يبـي يحكـم بحكـم الممالـيـك
كم كنت له .. ما زلت له باب مصكوك=احفظ له أسراره علـى ذاك أو ذيـك
وأثر الجزا ينصب شاربيـك وشـروك=ثم قلت يا صاحب عسى الناس تفديك
اخذ النصيحة من رجـل كنّـه أبـوك=ماني كبيـر السـن والحـال ينبيـك
أخذت لي من ذا الزمن ضيم وشكـوك=لا تحسب إن الوقت يا صاح يرضيـك
دنيـاك وإن زانـت لحكّـام وملـوك=لا بد مـن يـومٍ تفاجيـك وتجيـك
كم حوّلـت يخـتٍ كبيـرٍ لسنبـوك=واللي من أول باعك اليـوم يشريـك
وإن جاك من نفط السعودي وكركوك=حافظ على السمعه عسـى الله يعليـك
الرابح اللي عاش بـه طبـع مبـروك=والخاسر اللي دايـم الـدوم يغويـك
ادرس رفيق الزيف وبْـدرس محبـوك=والصاحب الوافي على طول يوصيـك
قول الحقيقـه لـو يقولـون صعلـوك=ما عـاد للكـذّاب وجـهٍ يراعيـك
خلّك رفيع الراس وإن صرت متـروك=أفضل من الرفعة مـع اللـي يوطّيـك
والله لو دمّي علـى القـاع مسفـوك=ما هين راسي لـو وقعـت بتهاليـك
محدٍ يدوس الشوك ويقـول مشيـوك=إلا الذي يرضخ كما البـط والديـك
[/poem]



وسلامتكم
لحدان بن صاح الكبيسي

[إبن ثعلي]

اختيار موفق ياعبد الله تكر عليه
تحياتي

[مخاوي النشامى]

عبد الله الحافي
سلمت يالغالي على نقل القصيدة الرائعه
وصح لسان قائلها

[برقاوي هواوي]

وأنت سالم أخوي عبدالله


وبيض الله وجهك على نقلك الجزل وصح لسان قايلها

[اخو من طاع الله]

صح بدنكم وشاكر لكم مروركم يا مشرفينا المميزين

[زين العتبــان]

الله يعطيك العافيه وتسلم على القصيده الرائعه

[محمد العتيبي]

عبدالله الحافي

تسلم على حسن الاختيار وصح لسان شاعرها

تحياتي

[اخو من طاع الله]

شاكر لكم تعليقكم وحضوركم

[فــزّ!!!ع]

...
...
...

اخوي عبدالله كفيت ووفيت ...

اجتهاد موفق ...

لك موووودتي ...

[النـايــــــف]

صح لسانك اخوي عبدالله الحافي

وصح لسان الشاعر لحدان الكبيسي

وبيض الله وجهك يا الغالي

على هذا الاختيار الرائع

تحياتي لك ،،،،