حفي القدم من كثر ماخذ مشاوير

[جهز الهرس]

هذه القصيدة رداً على قصيدة الشاعر مشعل بن برجس العتيبي ومنها الأبيات التاليه :

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا والله الاشبت يابن مسيمير =اشوف فيك الشيب وانته شبابي
الشيب في راسك نشوفه مغاتير= وهو من اول مثل ريش الغرابي
[/poem]

القصيدة اطول من ذلك ولكن للاسف لم اتذكر منها الا هذان البيتان .والمعنى العام للقصيدة السؤال عن سبب شيبك وانته لازلت شباب .

الرد كألاتي :

يامشعل البرجس عسى الخاتمه خـير
...........................من عندرب البيت جزل الثوابي
الموت اله في كل ديره مداوير
............................ولاني بداري وش ربي نوابي
ألأجل ماعنه تقدم وتاخير
...........................وعقبه يصيرانعيم واللاعذابي
وين الرجال مكسرين الطوابير
......................... اهل الكرم والمرجله والأدابي
يا الله ياللي ترزق الذيب والطـير
........................... عبدك فَرّحت بتوبته يوم تابي
تمحى الذنوب الماضية والمناحير
...........................انت الغفوراللي شديد العقابي
يومٍ الي عند الرياجيل تقدير
............................يارب ترحمني نهار الحسابي
ماجاك مني يا ابيض الوجه تقصير
..........................مدري كلامك مزح واللاعتابي
هذا وابا اشرح عن زماني بتقـرير
...................يا الصاحب اللي شفت شيب الشبابي
موضح ٍ معناي من دون تكـرير
............................عساك يامشعل تعرف الجوابي
ويش الفتاه اللي على العـالم ادير
..................................مذكورت ٍ قدامنا فالكتابي
بنتن فتاه الها نهودن مزابـير
.............................وكفوفها منقوشتن بالخضابي
تلعب لطراد الهوى بالمزامير
...........................وتوصله بين السما والسحابي
ولياضحكتله باالثمان المغاتير
....................... ياسرع ماتطعن بروس الحـرابي
والشوف لي عودن عيونه مطايير
.......................تطحن ضروسه وان بغى مايهابي
يحد للاجواد روس الصواطير
.............................ولياهجم ياخذ سيوف وجنابي
لوكان يعطيك الذهب والدنانير
.............................. لاتامنه ياخذ عليك انقـلابي
ولياعرفته عبّر العلم تعـبير
.................................قلي تراه جماد والاعـرابي
هذا سبب شيبي وانا توي صغير
........................من كثرماشفت الخطى والصوابي
شفت المطرعود عجاج ومعاصير
........................من عقب برقه فوق روس الهضابي
وشفت الليالي صارفيها تغايير
........................واركض ورى وقت ٍ سوات السرابي
حفي القدم من كثر ماخذ مشاوير
...............................من قوركضي بالدعث والصلابي
وليابغيت اطى الحجر والمسامير
.....................................الدرب قدمي فيه حيه ودابي
وليا بغيت اصبر بحكم المقادي
................................ كتمت غيضي لين شيبي بدابي
والشيب ماعذرب ارجل ٍ مناعير
..............................شبوا وشابوا في ظهور الركابي
الشيب نور وفيه لرجل توقير
....................................مافيه احد قبلك ذكربه عيابي
مير البلا من شاب شيبن على غـير
.................................. ليا جا مجاله قيل له والـترابي
لو تزهمه ما أسقاك من جمة البير
.....................................لا نافعن نفسه ولابه ثوابي
ياكل كما ثورن درع له بجـرجير
................................. من الزاد جايله كتوف عـلابي
والا أنت تكرم ياصبي المخاسير
...................................عن مثل هذا ياعزيز الجنابي

[ابوسـعد]

الشيب نور وفيـه للرجـل توقيـر مافيه احـد قبلـك ذكربـه عيابـي

صح لسانك ياجهز وابيات محكورة، وفعلا الشيب نور و وقار لافض فوك واسعدتنا هذه الابيات الجزلة من جزل وياهلاوغلا

[غانم الثبيتي]

مشكووووووووووووووووور الف الشكر ع النقل

اخوك غانم عيضه الثبيتي

[مساعددد]

رائع هذا الاختيار
وراقي برقي صاحبه
تحياتي

[شـوآق]

الله واكبر يـ / جهز
صح لسانك ملييون ولايسسدون ,’ والله ماني مقتبس بيت ولا بيتين
القصيده كلها يبي لها اقتباس



عسى الله لايهينك وسلمت يمناك ., ولاتبطي بخواتها
كل التحايا لك

[محمد العريــدي]

صح لسانك يا جهز و الله لا يهينك

و فعلا ً الشيب وقار و نور

لا هنت

[جهز الهرس]

المشاركة الأصلية كتبت بواسطة ابوسـعد الشيب نور وفيـه للرجـل توقيـر مافيه احـد قبلـك ذكربـه عيابـي صح لسانك ياجهز وابيات محكورة، وفعلا الشيب نور و وقار لافض فوك واسعدتنا هذه الابيات الجزلة من جزل وياهلاوغلا

صح بدنك وبيض الله وجهك

[جهز الهرس]

المشاركة الأصلية كتبت بواسطة غانم الثبيتي مشكووووووووووووووووور الف الشكر ع النقل اخوك غانم عيضه الثبيتي

بيض الله وجهك ولاهنت

[جهز الهرس]

المشاركة الأصلية كتبت بواسطة مساعددد رائع هذا الاختيار وراقي برقي صاحبه تحياتي

شكرا لك على مرورك

[جهز الهرس]

المشاركة الأصلية كتبت بواسطة شـوآق الله واكبر يـ / جهز صح لسانك ملييون ولايسسدون ,’ والله ماني مقتبس بيت ولا بيتين القصيده كلها يبي لها اقتباس عسى الله لايهينك وسلمت يمناك ., ولاتبطي بخواتها كل التحايا لك

صح بدنك وبيض الله وجهك

لاهنت اسعدني مرورك