صج كراتين ؟؟!

[اصايل]

[COLOR="rgb(139, 0, 0)"]
السلام عليكم ورحمة الله



بصراحه ضحكني وتعجبت منه بنفس الوقت


ارااائكم تهمني ..



ناطرتكم وحياكم





/[/COLOR]



حديث رقم 2

نشرنا اليوم نص الرسالة التي بعث بها مشعان بن مصلح والتي ( زبن فيها ) الشاعر خلف المشعان ليكتب على لسانه قصيدة عن فتاة في الكويت أساءت إليه ، وخلف المشعان يستجيب له ولكن قبل أن يرد يريد ان يستمع إلى شعراء الكويت الذين هم بالتأكيد لا يسمحون بهذه الأساءة .
علما بأننا قد نوهنا للجميع بأن وكالة أخبار المرأة لم تنشر الموضوع على شكل تحدي بين شعراء الكويت والسعودية ، لأنهم أخوان وبني عم ، ولكن نشرنا الموضوع كموضوع شخصي بين رجل قد أسئ له من فتاة في الكويت ، وهذا الرجل ( زبن ) الشاعر خلف المشعان .
لمن يريد أن يقرأ الموضوع الرئيسي يجده في أسفل هذا التحديث

نص كلام الشاعر خلف المشعان هو المكتوب في الصورة المنشورة للموضوع

من جهة أخرى وصلتنا هذه القصيدة من الشاعر رائد الذيابي :


يابنت قولك يوم قلتي كراتين
قولة سفيه و كلمته ماوزنها

حنا حماة الحق والشرع والدين
وكعبة الاسلام حنا وطنها

تفكيرك السلبي وانا اشوف بالعين
رجعي / ومتخلف / وعينك دفنها

صوتي ماهو يمك / لراع الفناجين
واللي سواتك لازم اشوم عنها

مافيك ملح ولا حلاوة ولا زين
حيائك الجثه و لبسك كفنها

حنا هل العوجا وحنا السلاطين
حنا ذراكم يوم يفلت رسنها

حنا هل الرايه و سم المعادين
عقّب صبين كلمته ما وزنها

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ
تحديث رقم 1

جاءتنا عبر الإيميل رسالة لا نعرف إن كنا نقول فيها ( طرافة ) أم نحترم مشاعر مرسلها الذي ( تحترق أعصابه ) كما هو واضح من أسلوبه في الإيميل .
على كل حال ومن منطلق أننا نكفل حرية النشر لجميع القراء الكرام إن خلت المشاركة من أي إساءة لأي طرف ، نشرنا هذا الأيميل كما وردنا مع بعض التعديل الإملائي والنحوي فقط ، لمقتضيات النشر ، وإليكم الأيميل كما وردنا .
مشعان بن مصلح
كنت قبل يومين في الكويت لقضاء بعض الوقت هناك ، وذهبت إلى مجمع شرق المعروف جدا في الكويت وكان معي صديقين من أصدقائي ، وذهبنا إلى ستار بكس في داخل المجمع وكانت بجانبنا فتاتين أظن سبقانا في الطلب وكانتا تنتظران أخذه ، فقلت لموظف استار بوكس أعطني ( موكا بس زيد الحلا فيه ) ، لا أعرف لم توقعت الفتاة التي بجانبي أنني اقصدها حين قلت ( زيد الحلا فيه ) ، وأنا أقسم بالله قلتها ولا اقصد بها البنت لا من قريب ولا من بعيد ، فما كان منها إلى أن قالت ( صج كراتين ) لأنها كانت تظني أني قلت ( زيد الحلا فيه ) كنوع من الغزل بها .
حينها أحسست أنها طعنتي وأهانني إهانة لا استحقها ، ولو كنت فعلا كنت أقصدها في الكلمة لهان الأمر وتقبلت الإهانة ، ولكن أن تكون مظلوما وتهان فهذا شي يحز في النفس جدا ، فجاءتني إهانة لا استحقها ، فقلت لها والله إني ما كنت أقصدك وعلى كل حال مشكورة من طيبك ( بس رد الكراتين يياصلك وتقرينه صوت وصورة ) .
هذه الفتاة تقول عني وعن أصدقائي ( كراتين ) فقط لأننا لا نلبس الجنز ونلبس الثوب والشماغ ، وهذا اللبس الثوب والشماغ على ما أظن أنه ( لبس أبوها وجدها ) .
أنا لم ألحق بالبنت ولم أكلمها مرة ثانية ، وهي ذهبت بحال سبيلها ولكنها مؤكد أنها سمعت مني كلمة : يجيك الرد صوت وصورة .
ولم أكمل زيارتي للكويت ورجعت أنا وأصدقائي ، نفكر بالرد على ( الكراتين ) ، ومن هو الشاعر الذي يعرف كيف يرد ( بإدب ولكن بالصميم ) .
فما وجدنا غير الشاعر المبدع خلف المشعان ، وحاولنا ونحن في الطريق أن نبدأ القصيدة ببيتين قلنا فيها :

يابنت قولك يوم قلتي كراتيــــن قولة سفيه وكلمته ما وزنها
حنا حماة الحق والشرع والدين وكعبة الإسلام حنا وطنــها

ولا ألزم الشاعر خلف المشعان بهذين البيتين ، إن أراد أن يكمل عليهما أو أراد أن يبدأ قصيدة جديدة فهو حر ، ولكن كلمتي له :
تكفا يا خلف تكفا يا خلف زبنتك ولا زبنت غيرك من الشعار مع أني قسم بالله ماني بعنزي بس اخترناك انت ترد على الي قالت كراتين ، تكفا يا خلف لا تخيب ظني ويعلم الله لو اني اعرف مكانك كان نطلت عقالي في حظنك ، تكفا طلبانك وتكون القصيدة بصوتك والقائك انت تكفا يالوايلي ، ولا نبغى اساءه لأي أحد نبغى بس فخر بالسعودي ورد على البنت بشخصها هي بس وعلمها من هو السعودي ؟
تكفا كفا تكفا يالوايلي .
أخوك / مشعان بن مصلح

انتهت رسالة الأخ مشعان ، الذي طلب الرد من الشاعر خلف المشعان فقط ، ولكننا نحن في وكالة أخبار المرأة نفتح الباب لجميع من يريد أن يكمل بيتي مشعان بن مصلح :
يابنت قولك يوم قلتي كراتيــــن قولة سفيه وكلمته ما وزنها
حنا حماة الحق والشرع والدين وكعبة الإسلام حنا وطنــها

ونكفل له حق النشر ولكن بشرط ، عدم الإساءة للكويت ولأهلها فلا علاقة لهم بالموضوع لأن هذا تصرف فردي من فتاة ، والكويت وأهلها أعز وأكرم وأكبر من ذلك .



/




اللي يهمني واللي ابيه وسؤؤؤالي


هل انفعال الرجل لهذي الدرجه في محله ؟؟

وهل طريقته صحيحه هو وربعه ..وطلب هجاء هذي البنت في محله ؟؟والا تصرف صبياني

وعطو الموضوع والبنت اكبر من حجمهم ؟؟

كذلك هل الموضوع يستاهل انه يزبن الرجاجيل وينطل عقاله

سوووال اخير

لو انت شاعر ومكان خلف مشعان وطلبوا منك تسوي هذي القصيده وش موقفك


وبس

[رائد المرشدي]

ياهلا ومرحبا بالأستاذه القديره اصايل



أقول ياليته كمل اسمه مشعان مصلح < خائف يكون عتيبي ويشحذف خلف مشعان
من غير قاصر في شاعرنا المبدع ابو مشعان لاكن نخوة مشعان بن مصلح فضيحه على راسه
مع احترامي له ولصاحبة الموضوع





هل انفعال الرجل لهذي الدرجه في محله ؟؟

بالعكس انفعال الرجل يكشف لنا عن مدى ضعف عقلانيته واسقاط نفسه لهذه الدرجه مع احترامي للمجتمع النسائي بوجه عام

ولكن لو كانت الكلمه من رجل مثله يحق له يرد مثل مافعل رشيد الزلامي مع الكويتي وقصته المعروفه



وهل طريقته صحيحه هو وربعه ..وطلب هجاء هذي البنت في محله ؟؟والا تصرف صبياني


طريقته خاطئيه وتصرفه تصرف غبي وجاهل الامر كله مايستاهل كذا كنه ضائع له حق الله لايبلانا


كذلك هل الموضوع يستاهل انه يزبن الرجاجيل وينطل عقاله

قد سبق وقلت ( تكفى ورميت العقال ) فضيحه عليه كله علشان كلمة بنت الحمد لله على العقل


سوووال اخير

لو انت شاعر ومكان خلف مشعان وطلبوا منك تسوي هذي القصيده وش موقفك


هنا تختلف المواقف من شاعر الى شاعر ومن شخص الى اخر

بعض الرجال اذا قلت له تكفى لبا طلبك وفداك بروحه لو الامر بسيط
وهذا بلاشك من طيبه وطيب اصله وخلف مشعان عرفنا عنه الطيب والحمياء
واعتقد انه يبغى يرد ومثل هذا الموضوع يحرك قريحة الشاعر لو كان بطريقه اخرى

اما بنسبه للي لو الطلب موجه للي ابغى ارد ولكن ابغى اخاطب الواقع بما هو اهل له

ولا اعطي الموضوع اكبر من حجمه


واخيراً صح لسان الذيابي

وشكراً جزيل ياصايل الله يعطيك العافيه




.

[اصايل]

حياك الله رايد

الفزعه وطلب الرياجيل ما تكون الا في شي كايد

اما الواحد ينزل نفسه وينتخي علي سوالف غزل وكلام خايب مااعدها رجوله :)

يعطيك العافيه رايد

واعجبني ردك

لاعدم ،،

[تباريح الروقي]

حيالله الاصايل... رد الذيابي..مافيه اختلاف..وشررح موقف

وصح الله لسانه<


اما انفعاله>بتاتا لم يكن في محله.. وعطااه اكبرر من حجمه(ولو منه كان رديت عليها مباشررره>بس هو خلها في كبده هههههههههههههههه>>

وسؤالك يزبن رجال>اعتقد زبن الرجاال اكببررر من هالتفاهات(لانهم رجال لابد من شئ عظيم)

ولو كنت شاعر\والله مادري بس اخونا رائد.. ماقصرر رائيه صحيح

والنهااايةة.. اصوووله انت وش رايك :)

وتحيااتي,,, ونووورتي يالغلا..

[بناخي الكعاري]

السلام عليكم

سؤال خارج الموضوع وتحملوا فهمي شوي

الموكا وشهي مكوناته وهل هو قابل لزيادة الحلا أو لا

يمكن كلمة البنت انتقادية يوم قال زيد فالحلا

يمكن المشكلة في الموكا

والرجال فهم عكس ويقولها أنا ما قصدتك

والكل منهم في وادي

تصادم مفاهيم خاطئة

ولا تحمل الصجه هاذي كلها


أما لوني من الشاعر إلى زبني مثل الرجال هذا

وعرفت الموقف أبا أقوله تعوذ من الشيطان وفهمه إن الموقف ما

يحمل الدعوى هذي كلها إن اقتنع ولا عطيته بيتين

ما ينعرف راسها من ساسها

من قراها ما عرف هي سب والا مدح

تطييب لخاطره والموقف غصاب

[اصايل]

هلا وغلا تباريح ..

معاج حق ماله داعي كل هالانفعال ..

ورأئي قلته قبل :) وبعيده لج

الامور الخايبه ماراح انزل نفسي لها وماراح اعطيها اكبر من حجمها ومااقط عقالي وازبن الرياجيل الا في علم كايد

ولو افترضنا اني شاعر/هـ .......كثري منها

بعتذر واقول ياولد عيب عليك هذا مهوب موضوع تنصاني فيه ولاني كاتب له ولا بيت وخليه يبلط البحر :) .... بس طبعا بااسلوب ذرب وبعيد عن الهوش :)

لانه بصراحه وانا شاعر ولي مكانتي الشعريه ومعروف عند الناس ماابي اسمي يرتبط بالتفاهااااات


وسلامتك :)



:



تباريح


تواجدك يشرفني

حياج يابعدهم ..

[اصايل]

وعليكم السلام ورحمة الله

بناخي العكاري .. حياك المولى


/


اقولك وشي الموكا مع اني متأكده انك تعرفها وسؤالك لايعني عدم المعرفه :)

الموكا ( حليب / سكر / وكاكاو / وشوي قهوه ) وفيه منها بارد وساخن :)


:


في اوقات كثيره يختلف فهمنا عن الاخرين وتختلف المقاصد حسب تفكيرنا كما تفضلت

وكل شخص يبني رده على حسب مايظهر له وهذا وارد

لكن في سالفة البنت ماظنتي لها تفسير الا واحد فقط .. ..........؟؟؟................ مشفر :)


:

أما لوني من الشاعر إلى زبني مثل الرجال هذا وعرفت الموقف أبا أقوله تعوذ من الشيطان وفهمه إن الموقف ما يحمل الدعوى هذي كلها إن اقتنع ولا عطيته بيتين ما ينعرف راسها من ساسها من قراها ما عرف هي سب والا مدح تطييب لخاطره والموقف غصاب

كلام جميل وعين العقل

وبأمكانك تعتذر وتقنعنه :)


حياك الله اخوي

لاخلا ولاعدم ..

[؛؛ابو ريناد؛؛]

المشاركة الأصلية كتبت بواسطة اصايل [color="rgb(139, 0, 0)"] السلام عليكم ورحمة الله وعليكم السلام ورحمة من الله وبركاته يافاضلة من جهة أخرى وصلتنا هذه القصيدة من الشاعر رائد الذيابي : يابنت قولك يوم قلتي كراتين قولة سفيه و كلمته ماوزنها حنا حماة الحق والشرع والدين وكعبة الاسلام حنا وطنها تفكيرك السلبي وانا اشوف بالعين رجعي / ومتخلف / وعينك دفنها صوتي ماهو يمك / لراع الفناجين واللي سواتك لازم اشوم عنها مافيك ملح ولا حلاوة ولا زين حيائك الجثه و لبسك كفنها حنا هل العوجا وحنا السلاطين حنا ذراكم يوم يفلت رسنها حنا هل الرايه و سم المعادين عقّب صبين كلمته ما وزنها صح لسان الذيابي ولو رفع نفسه عنها من البدايه افضل ولكن رده موفق ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ اللي يهمني واللي ابيه وسؤؤؤالي اللي يهمك واللي تبينه الله مير يسلمك ماندري شنو وسؤؤؤالك بنحاول نجاوب علية ههههههه هل انفعال الرجل لهذي الدرجه في محله ؟؟ ابداً !! وهل طريقته صحيحه هو وربعه ..وطلب هجاء هذي البنت في محله ؟؟والا تصرف صبياني طريقته محقا وتصرفه امحق !! وعطو الموضوع والبنت اكبر من حجمهم ؟؟ الموضوع تافه ومن زمان نسمع كلمة ابو كرتونه عشان القلابي اللي نجبس فيه ارقابنا تلاقينه 3 أو 4 ازره هذا منول كذلك هل الموضوع يستاهل انه يزبن الرجاجيل وينطل عقاله :sniper (90): لا والله مايسوا مرأه يمكن مهبوله بعد بس اضاهر صاحبنا لك عليه ولا كيف يقطع الزياره عشان هيك سخافه سوووال اخير لو انت شاعر ومكان خلف مشعان وطلبوا منك تسوي هذي القصيده وش موقفك :sniper (9): مثل ماقال راعي الموكا !!!! وبس حياك الله ياصاحبت التواجد الدائم

[gdwl]





ولعلنا اتينا بشئ مما تريدين الوصول له
والمشكله هذي ازليه وتتنامى بين أقل طبقات المجتمعين ثقافه ووعي
(يعني عندنا وعندهم خير)[/gdwl]

[اصايل]

حياك الله ابو ريناد

دايم حضورك مميز لاعدمناك :)

سبب تسمية كراتبن أضافه جديده اول مره اعرفها عشان رقبة الثوب ههههه

زين ليه مايقولون انها ميزه من طول ارقاب عيالنا ^ ^

:

ابو ريناد وفقت في الاجابه لاتحاتي:)

شرفني تواجدك

لاهنت

[رايـق]

اصايل

اول شيء هالموضوع رهيب كأني كنت معهم

هههههههههههههه

الروايه جدا محكمه

انا راح اجاوب على السؤال فقط

وعطو الموضوع والبنت اكبر من حجمهم ؟؟

انا اشوف لو ارد جاء من شاعر وقتها كان افضل واقوى بس الرد يبي ياصلك صوت وصوره ماله داعي

عطوها اكبر من حجمها السالفه

لاهنتي