قصيدتين لشاعرين كبيرين ،،،

[زيد]

[ALIGN=CENTER]القصيدة الأولى وهي للشاعر / نمر بن محمد العتيبي

أخترت لكم هذه الرائعة ، وعسى أن يحوز الاختيار

على رضاكم ،، يقول ..[/ALIGN]



[poet font="Simplified Arabic,4,black,bold,normal" bkcolor="transparent" bkimage="" border="groove,4,gray" type=2 line=200% align=center use=ex length=0 char="" num="0,black" filter=""]
صالي صلى صدري صفق صافي الجوف = لو صاب صمّ الصّخر غصب ٍ صلاها
زلزل زبار الزرع زلزال مزهوف = هزهز زهور الزاد وأزهد زهاها
حنحن تحنحن كن وانعن به صنوف = ونه تحن يجن سامع صداها
لجلج ولج ولا لج الجوف برجوف = عجعج لهيب ٍ هاج واهج سناها
سبّـت سهيف الساج مسلوب ملهوف = سلهم بسود ٍ سل نفسي سباها
غرو ٍ غرير يغر مغرم وغضروف = أغنج غنوج صغير غالي غلاها
شعشع شعاع الشمس لا من بدا الشوف = شبيه خشف الريم شادي حلاها
تلتل وتل القلب تلات بتلوف = عشرين تلـّه فوق تلـّه تلاها
هلهل جديل ٍ هل هايل على اكتوف = أشقر هبل نفسي وهيـّـض هواها
اسمه بحرف الهاء وبعده يجي حروف = ألف ٍ وسين وباء تالي نداها
أنخى خبير ٍ خاض مدخال مخلوف = صقر ٍ عريب الخال يقدر خفاها
قرم ٍ قدير أقدر قوي ٍ ومعروف = قادر قرا قافي ويقدر دواها
[/poet]



[ALIGN=CENTER]والمعذره عن الأخطار الواردة .. فالقصيدة نقلتها كما هي

من كتاب ( أجمل القصيد الجديد والقديم ) . ومؤلفه ( منصور العواجي )


أما القصيدة الثانية للشاعر / سعود بن عون ..

يقول فيها ..[/ALIGN]



[poet font="Simplified Arabic,4,black,bold,normal" bkcolor="transparent" bkimage="" border="groove,4,gray" type=2 line=200% align=center use=ex length=0 char="" num="0,black" filter=""]
ونيت ونة صويب ٍ طاح باللمـّـه = لا من جماعه ولا ربع ٍ مواليني
على قليب ٍ عليه الطرش ملتمه = ما فوقه ألاّ الدواسر والدياحيني
بانت هضاب الدخول وبانت الحمه = وأهلي ورا ما زما يالربع يوميني
ياللي تجون الغضي وجه النضا يمه = جيته من البعد علاّه امتباطيني
أبو نهود ٍ صغار وبأول الزمه = يشدي لبيض الحمام وكنّه التيني
الورع ما شد ثوبه قال يا يمه = ماقال ياياه وط القدر شيليني
وجدي عليها وجود اللي على العمه = وإن قال يا عمتي قالت عما العيني
[/poet]



[ALIGN=CENTER]وسلامتكم ،،،،[/ALIGN]

[البريئ]

[ALIGN=CENTER] زيد
لا تعليق على هذه القصيدتين الرائعتين
ويعطيك الف الف عافيه على حسن اختيارك[/ALIGN]



[ALIGN=CENTER]تحياتي اخوك
البريئ[/ALIGN]

[عاشق الذكرى]

[ALIGN=CENTER]الاخ العزيز زيد

سلمت يمينك اختيار موفق وهذا هو الشعر المطلوب

لا تحرمنا من مختارتك وابداعاتك

[poet font="Simplified Arabic,5,white,bold,normal" bkcolor="transparent" bkimage="backgrounds/10.gif" border="none,4,gray" type=0 line=200% align=center use=ex length=0 char="" num="0,black" filter=""]
وجدي عليها وجود اللي على العمه = وإن قال يا عمتي قالت عماالعيني
[/poet]

لك وافر شكري وتقديري[/ALIGN]

[الذيب الأمعط]

الله لايهينك ياخوي زيد على القصيدتين الرائعتين

وشكراً