حداة العتبان اهالي المحاني على المطران اهالي ثرب

[إبن ثعلي]

حداة الثعالية اهالي المحاني على الموازين المطران اهالي ثرب في
عيد الفطر لهذا العام عنما عزموهم المطران ولبوا دعوتهم

سلام تسليم الوفا والطيب والمعروف ساير
بين الرجال اللي يعرفون المذاهب والسواير
واللي يكب اللازمه في واجب الاصحاب باير
وانتم من اللي يكملون الواجبه في كل حال

ياهل البيوت اللي تكرم كل ضيف وكل زاير
يلقى بها التقديروالترحيب والفنجال داير
جينا لداعيكم وشوفتكم نسوق الها البشاير
نبا نكمل واجب الغالين لو الدرب طال

حنا عتيبه في النقا مانستمع رأي المخاير
في جارنا اخذنا ثنينه يوم عمسن البصاير
والنا مواقف نفتخر فيها ليا شبت سعاير
يشهد لنا التاريخ واكبر بينه وقعة طلال

وابنشد اهل العرف والفطنه محكمة الضماير
ويش واحد فوق الوطا يكشف خفيات السراير
وبها يربح صاحبه وابها يكبده الخساير
واختامها يالله تجيب الغيث من نو الخيال

وهذا رد المطران على الحداة
يامرحبا ترحيب باللافين من كل الضماير
عداد همال السحاب اللي تسيل به العواير
وانتم وحنا نكمل الماجوب لو الوقت جاير
والطيب والمعروف سلم ساير بين الرجال

جيتوا على القانون ثابت عندنا ماهو بطاير
صحيح ماقلتوه يااهل العرف واضح بالشعاير
وجيتوا وجيتكم لنا طيب يعمر له عماير
وانتم هل التكميل والتكميل ماغيره بدال

وحنا مطيراللي لياجانا الحريب بدم فاير
نارد عليه وناخذ البارق ولو الماس ثاير
عظم نقصه بالسهم ماعاد تجبره الجباير
واكبر دليل القرن يوم الجمع فوق الجمع مال

اليانشدت العلم واضح يابعيدين النظاير
المغنطيس اللي به الصنات يحكي بالفكاير
صحيح ماقلتوه لنا ياقديمين الخباير
وختامها حياكم الله ياكريمين السبال

[اخو من طاع الله]

رررررررررررررررائع يا بن ثعلي
قصة جديده علي وابيات اروع
تسلم يمينك اخووووي

[المها]

مشكووور بن ثعلي على روعة ماكتبت سلمت يمناك ونعم في أهل القصيده من الطرفين لاهنت


تحياتي

[راع المحاني]

سلمت يابن ثعلي على هالنقل الجميل. استمتعت بقرائتها

تحياتي

[حسام هوازن]

تسلم على القصيدة

يـــ بن ثعلي

ونعم بمطير غطفان وبعتيبة هوازن

وبكل قبائل الجزيرة


تحية طيبة لكم

[عبدالعزيز الشيب]

شكراً يابن ثعلي على هذا النقل ونعم في عتيبه وفي مطير كلهم قبايل لهم ثقلهم في الجزيره العربيه

[فهد العايضي]

تسلم يمينك أخوي بن ثعلي

ومشكور

[طالع]

بيض الله وجهك يابن ثعلي

[الداهوم]

ونعم يابن ثعلي انت وربعك اهالي المحاني ومطير حداتكم طيبة وجاكم ردطيب
تحياتي

[نوف]

يعطيك العافيه بن ثعلي على نقلك الجميل دائما وانت متميزز في كل شي لاهنت وتسلم يمناك ونعم في اهل القصيده من الطرفين



لك من نوف تقديرها