[align=center]السلام عليكم ورحمة الله وبركاتة
للتواصل من جديد قصيدة أتمنى أن تنال إعجاب الجميع
[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا تحسب إني واحدٍ مـن عيالـك = أصـلاً ترانـي أعتبرهـا فشيلـه
أمد لك يمنـاي وإنتـه شمالـك = فعلك كما فعل العقـول الهبيلـه
اتلومني يومـك توجـه سؤالـك = عطني براهيـن ووثايـق دليلـه
أثني لك الركبه وأجلـس قبالـك = إن كان عندك للمناقـش وسيلـه
وإن كان ذاك الفعل هو راس مالك = فبشر بعدها بالسيـوف الصقيلـه
لو كان تزعجني وأنا فـي مجالـك = ماني مراعـي يالقلـوب العليلـه
سو ماتبي واللي يـدور بخيالـك = ماهمني الثعلـب ليـا هـز ذيلـه
دامك كذا لا تحسب اللي بقى لك = اللي بقى لك صاع من ألف كيله
تبي الحقيقه والحقيقه فـي بالـك = منت الزميل اللي ينومس زميلـه
يعنـي تزعلنـي أدور بـدالـك = حتى لو إن دمي ودمـك فصيلـه
أخاصمك بالقاف / وقطع حبالك = أكويك بالجزله / وخلـي الهزيلـه
قافي بحر لو كـان يلطـم بجالـك = مالك على موج البحر أي حيلـه
مالك / ومالك . ثم . مالك / ومالـك = مالك ومال أهل النفوس النبيلـه
ولو كان يقبس نارها من هبالـك = الفام لو يبـرك تـرى ماتشيلـه
ولو كان تنخاني وترمـي عقالـك = لركب على ظهر السبوق الأصيله
لا هبت الحاية جنـوب وشمالـك = يوم إن بعض الناس تجفل جفيلـه
لسـل سيفـي واتجـه وعنالـك = وحل لجلـك عقـدٍ مستحيلـه
هذا يوم إني كنت أدور وصالـك = واليوم قدرك من خفوقـي بزيلـه
اترك فناجيلي وأعـزّل دلالـك = وخـل العلاقـه بيننـا بالقبيلـه [/poem]
,
,
عبدالرحمن الحمد الحافي العتيبي[/align]
| 
|
02-02-2009, 05:23 AM
<
.gif "SnipeR (72)")
العرض العادي
