قصيده عن الجمس

[فواز الشيباني]

هذي القصيده اهديها لكل عشاق الجموس ::


قال اللذي بالشعر بيطار وسياسي = لاقال قولٍ جميع الناس يمضونه

شرّاي اربع سلندر صابه افلاسي = تقزر سنينه وهو مايوفي اديونه

ياراعي الجمس خذت الفوز بالكاسي = لله درّ اللذي بالدين يشرونه

لاروّح الليل بردٍ والهوى قاسي = فاركب على الجمس خلّه يلعب افنونه

ياسايقه شيّكه من غير وسواسي = ودورية الطرق ماوالله يجيبونه

انا مجرّب وانا بالعلم حساسي = ولا قيل لي كلمةٍ بالجمس مضمونه

والجمس لامن ركبته طار عوماسي = لو طال ممشاه مايتعب دركسونه

مضبوط في هيكله والقير والشاسي = وكنها تروسه مع التعشيق مدهونه

خبّ الصلف بالحموله يفرس افراسي = ولاداس ربع السليتر جاب طبلونه

ردوّ سلامي وانا باكشف لكم راسي = وشكري على مصنعه واللي يجيبونه


منقوله

[رهين السهر]

الـلـــــــــــــــــــــــــــــــــــــه

اللــــــــــــــــــــــــــــــــــــه

تسلم يمينك يافواز،،،،،

وعلى فكرة تراني عشاق جموووووس من قديم،،،

وخذ هذه المجاراة/

لامن زهمته ودقت فيه الاجراسي===كلٍ من الناس حولك طارت عيونه

تحــــــــــياتي

[فواز الشيباني]

اخي رهين السهر

مشكور على التواجد العطر

تراني مثلك احب الجمس

الله يعطيك العافيه ولاهنت

[((الدلبحي))]

اختيار موفق ورائع يافواز

لاهنت ياغالي

تحياااااااااااااااااااااااااااااااتي

[طويل الذراع]

صح لسانك على الابيات

والله يعطيك العافيه

تحياتي

[(إذكر الله)]

[align=center]فواز لاهنت على هيك أختيار وش نسوي
vxrغالي:D











تحياااااااتي بلا حدود[/align]

[فواز الشيباني]

اخي الدلبحي

شاكر لك تواجدك

لاخلا ولاعدم

[فواز الشيباني]

اخي طويل الذراع

مشكور على التواجد العطر

لاحرمنا من مرورك الكريم

[فواز الشيباني]

اخي اذكر الله


vxrغالي كلامك صحيح

بس الجمس له محبينه

الله يعطيك العافيه على المرور

[وليد الزراقي]

نقل ولا اروع
يعطيك العفيه
تحياتي