رديه بين عيد وفهد

[عيد بن شده]

ياعيد صبر اخوك ماعاد ينطاق
ضاق الصدر وفجوج ربي وسيعه

همن يتل القلب من وسط العماق
هم العنى بالجوف نسمع قريعه

بعض العرب ياعيد مدري متى فاق
ويمشي علي غير السنع وشريعه



فهد العالي

رد عيد

فهد نخاني ياهل العرف عشاق
يشكي هوا نوطاً عنودٍ طليعه

مشتاق من حب اريش العين مشتاق
لو صد نفسه بالخفاء ماتطيعه

لا سلهمت بالخرس قلبه لها تاق
ومبيسمٍ يسحر ضميره لميعه

خوطيةٍ من روق ذربين الاخلاق
من غير قاصر بالرجال الشجيعه

لكن ولم يافهد قبل الاشراق
خوينا بالضيق عيبٍ نبيعه

لا جيتهم تسمع من الهرج مالاق
جاهي ومالي يافهد لك وديعه

عيد بجاد بن شده

[عبدالعزيز بن حشيان]

ابو فهد

صح لسان كل منكم وبيض الله وجيهكم على الابداع الرائع

[عيد بن شده]

الله لايهينك يابو خالد وصح بدنك

[إبن ثعلي]

صح السان الشاعرين ولاهنت
يابن شده على تزويدنا بالقصيدتين

[عيد بن شده]

لاهنت يابن ثعلي وصح بدنك