ياللي سفطت الجيب يوم اشتريته=خله حدر فياه بالله خله

[البارع]

بسم الله الرحمن الرحيم
........ مساء الخير للجميع........
... الجديد علها تنال على رضاكم...

[poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
ياللي سفطت الجيب يوم اشتريته=خله حدر فياه بالله خله
الجيب يومني بمالي نويته=سقت الدراهم فيه سوق الاذله
ماني وانا سلطان من هان صيته=ولانيب من لامن بغى ماحصله
اليا بدالي لازمن ماقضيته=لو هو ورى عمَان ماقلت لله
عبيت بنزينه وغيرت زيته=وانا دليله بين كل الادله
ونطحته اسرار الليال المبيته=اعقد حباله للمسافه واحله
كم مرتن بالصوت واسمه نخيته= حتى جذبلي ما حوى العزم كله
ياما عطاني من عطا ما عطيته=وياما وفى معي وانا وافين له
مااعده ابحزاته اليا بغيته=الا مثل سيف ن لاصكت نسله
ياللي نزلته منزلن غير بيته=مااقمت له حقه ولاصنت دله
وعزالله انك في فعوله رميته=كنك تقول ان البني يشبهله
لاتحسبنك بالمفيا كفيته=افاقه اوسع من حدود المظله
بالله ويش اتقول كل مارايته=ماذكرك شيخن ربوعه تجله
لكن بعض الناس ياليت ليته=اماعرف قدره يدور محله[/poem]

[ناصر بن سعدي]

الغالي

سلطان

صح لسانك لين ترضى

نص شامخ بشموخ كاتبه ..

ياما عطاني من عطا ما عطيتـه
وياما وفى معي وانا وافين لـه

لله درك .. وعلى ما أظن فيه خطأ مطبعي بسيط ,,

وصح لسانك ولاتبطي علينا ..

[نايف تراحيب]

هلا بالبآرع


لاهنت على هالوآفيه والكآيفه


سجل اعجآبي


/


،


ودي

[فهيد مقعد الرويس]

الله الله

صح لسانك

وعتلاشانك

ويستاهل الجيب

تحيتي وتقديري

[البارع]

المشاركة الأصلية كتبت بواسطة ناصر بن سعدي الغالي سلطان صح لسانك لين ترضى نص شامخ بشموخ كاتبه .. ياما عطاني من عطا ما عطيتـه وياما وفى معي وانا وافين لـه لله درك .. وعلى ما أظن فيه خطأ مطبعي بسيط ,, وصح لسانك ولاتبطي علينا ..

مرحبا فيكــ يابوتراحيب .... اشكرلكــ مرورك ... ووجودك كافي ياالقرم ... تقبل تحياتي..

[النجم الأصيل]

صح لسانك وبيض الله وجهك

[عبدالله المرشدي]

البارع


صح لسااانك وعلى شانك

ولاهنت

على هالابيات الجميله

تحيتي لك

[بنتـ الشيخ ..]

صح لسانك ..
وربي أبيات روعه
من شخص أروع ..

[البارع]

المشاركة الأصلية كتبت بواسطة نايف تراحيب هلا بالبآرع لاهنت على هالوآفيه والكآيفه سجل اعجآبي / ، ودي

نايف تراحيب ... حيااااكــ الله ... شاكر لكــ مروركــ العطر...تقبل تحياتي ...

[شويهينة الهيلا]

مافيك حيله
صح لسانك حتى ترضى