( ايليق يوم العيد في موت صدام=والأ الدجاج ايموت صبح وعشية ) برق الحجاز

[برق الحجاز]

[poem=font="Simplified Arabic,6,red,bold,normal" bkcolor="skyblue" bkimage="" border="groove,8,darkred" type=0 line=0 align=center use=ex num="0,black"]
"والأ الدجاج ايموت صبح وعشية " برق الحجاز
ياربعنا يللي على دين الإسلام=والله مكلفكم بدم الضحية
ايليق يوم العيد في موت صدام=والأ الدجاج ا يموت صبح وعشيه
تفاهموا في ساهر الطرف ما نام=اللي يقول الدور بكره عليه
ترى ردي الفعل لن طاح ما قام= وأغرق معه طابور والأ سرية
من لاحسبها صح تاطاه الاقدام=والمضحك اتلاالوقت شر البلية
وإن طال عمرالحي فالموت قدام=الدايم الله يالقلوب الغبية
وأعظم سبب للموت تقديروإكرام=كلاً على قده تجيه المنية
ماتت ملايين البشرمثل الأغنام=واهتزت لصدام كل البريه
موته جلا عن بعضنا ليل الأوهام=والحي موته عبرة إقلوب حية
والميت اله حقوق فالشرع واحكام=ماهي لعين افلان والا حميه
ذكر احسناته واجب ودمح الآثام=وارواحنا من كل زله بريه
الموت سنه وافضل الخلق مادام=لا يفرح الشامت ولاهو رزيه
واليا انتهك عدونا خير الأيام=يمحى لنا من سوء الأعمال سيه
حنا العرب نوفي على الكفر بذمام=والعفو فالأسلام فينا سجيه
الدائرات إتدورعام بأثرعام=والله كريم و العوض فا للبقية
والياصدقنا فالمشاعروالأحلام=النور ما يطفيه جاهل وعية
كلايقول وتفضحه روس الاقلا م=والشكرلله يالنفوس الدنية
مابيننا جاوه ولابجم الأعجام=كلا يعرف اللي بوسق المطية
من لبس اليمنى قصيرات الأكمام=ينقال وقع بالثرا يا علية
كلن وقف قبلك على روس الأرجام=شافت عيونه كل شمس وفية
والشعر والله ما حفظ موت الأقزام=ولا ذكر راع العلوم الرديه
يكفيه فخر كلمته حين الإعدام="يشهد بذكرالله وذكره نبيه"
مرفوع رأس ماسجد حي لأصنام=وأرخص نهارالموت من جاء قفيه
(علج)على الجثةبخبث القدم حام= واليوم مايسوامواطي إحذيه
مع تحيات أخوكم / الحجــ برق ـــــاز[/poem]

[بدر الروقي]

صح السانك وبيض الله وجهك


تحياتي لك


بدر الروقـي

[برق الحجاز]

[align=center] هلا وغلا أخوي بدر



هذا من طيبك الله يحييك




لك خالص الود



وتقبل تحيات أخوك برق الحجــــــاز[/align]

[النـايــــــف]

صح لسانك اخوي برق الحجاز


وبيض الله وجهك يا الغالي


ولا تحرمنا من إبداعك معنا


تحياتي لك ،،،،

[ابن مسلم]

برق الحجاز

صح السانك وبيض الله وجهك



تحياتي لك

[مستر عتيبي]

صح السانك وبيض الله وجهك يا برق الحجاز
مع تحياتي

[عتيبي والفخر]

صـح السانكـ ولا هنتـ..

ولكـ التحية ,,

[عبدالله المرشدي]

برق الحجاز



صح لسانك

وعلى شانك


وكل عام وانت بخير

[ابن مرشد]

صح لسانك ملايين يابرق الحجاز

تحياتي

[برق الحجاز]

[align=center] جعلك سالم أخوي النايف


وهذا من طيبك يا أصيل الله يحييك


خالص الود



وتحيات أخوك/ برق الحجاز[/align]