الطريق.................؟
ياذاالطريق اللي تهول عقل من شافك
فيك المرؤه كثيـر النـاس ناسيهـا
من شين غيبك علينا ضاعت اسلافك
فيك الطرايـف تشيبنـي معانيهـا
ياذا الزمن يامشيب رؤوس عرافـك
ياشيب عيني عمار الناس تطويهـا
لو زان وجهك علينا شان محذافـك
ولو جيت أداوي عيوني منك تعميها
يامخبل اللي بعقله صـار ميلافـك
فيك الشوايب مـن أولهـا وتاليهـا
ترمي علينا لهب جمرك من أطرافك
تضحك للأذيال يوم الرؤوس ترخيها
من سوء حالك رضيع الثدي لاعافك
من زود عيفك حياة الطفـل يبكهـا
تسرح وتضوي وخلق الله بهدافـك
منك المنيه على من كـان ترميهـا
ياما وياما جفافـك ضيـع أريافـك
حتى البهايـم تجيهـا ليـن توذيهـا
من جيت يمه معك يذلف بمذلافـك
لانهيت طفـه بدلهـا يبتـدي فيهـا
يابعد شمسك وبي ياقـرب ميقافـك
والنـاس مثلـي تعقبهـا وتفنيهـا
الله أكبر خذيـت النـاس باطرافـك
تضحك معي يوم والاخـر توديهـا
ياوقت مدري تدور ويـن انصافـك
ياشيب عيني عمار الناس تطويهـا
شاعر المرقاب/مناحي الفرزه العتيبي
| 
|
10-09-2008, 04:55 AM
الطريــــــــــق ..............؟
العرض العادي
