لغز..طبيب من غير سمّاعة قلب ..! (محلول) من وجودك يكفي

[سلمان المالكي]

السّلام عليكم ورحمة الله وبركاته

أُسعدت أوقاتكم باليمن والبركات جميعاً

إسمحوا لي أن أداعب هذا القسم الجميل بهذه المحاولة الأولى في مجال الألغاز

فتقبّلوها مأجورين مشكورين


طـبـيـب ويـعـالــج قـلـوب الــمــودّيــن

مِـن غـيـــر سـمّــاعــة ولازم تــحـبــّه

منطوقه أزين في المعانـي مِن الـزيــن

يا تِــعــس حـالك لـو تـحـاول تــشـبِّــه

إن حَــل فـيـمــا بـينكـم داعــي الـبَـيْــن

حَــل الـمَـرض فـي القلب حــاول تـنبـّه

إحـدى صـفـات اللي لـه الوقت وقـتـيـن

إحـــــذر وحــــاذر يـاللـبـيـب وتـســبّـه

تحيّة عاطرة للجميع ,,

[وجودك يكفي]

ياسلااااام عليك ياشاعر الحرب وصح لسانك وبيض الله وجهك على اللغز الرائع والمميّز

رمعتي القرآن الكريم

[سلمان المالكي]

بيّض الله وجهك يا عزيزي وجودك يكفي .. ما شاء الله تبارك الرحمن

لهذه الدّرجة اللغز سهل وواضح

على العموم صح بدنك يا عزيزي ووجهك أبيض

وأنت من إستثارني لهذا القسم .. فبارك الله فيك يبن الأجواد

تحيّة عاطرة أيّها الحذق النّحرير ,,

[وجودك يكفي]

وجهك ابيض ياشاعر الحرب ولاهنت على المشاركه في قسم الألغاز وسعداء بتواجدك وحضورك


هههههههههههههههههههه بخصوص سهولة اللغز او صعوبته ما أقدر اعلق عليها .. لأني حليت اللغز .. ولكن الرمعات توافيق من رب العزّه والجلال وهذي تصيب وهذي تخيب .. وبصراحه انا مبسوط لأني ذبحت اول لغز لك .. والله يعطيك العافيه ولاهنت يالغالي

[جااابر]

شاعر حرب ابدعت وبيض الله وجهك وانا اول ماقريته طرالي العشق والمعشوق لكن طلع الحل لشئ اعظم واكرم( القران الكريم )
يمكن من هذا الشطر وذاك بين الفرق والحل
يا تِــعــس حـالك لـو تـحـاول تــشـبِّــه


إحـــــذر وحــــاذر يـاللـبـيـب وتـســبّـه

وجاب الحل ولد ثابت بيض الله وجهه ولاهو غريب عليه ...

[إبن ثعلي]

بيض الله وجهك ياولد ثابت ريحتنا من عنا التفكير في اللغز

[وجودك يكفي]

المشاركة الأصلية كتبت بواسطة جااابر شاعر حرب ابدعت وبيض الله وجهك وانا اول ماقريته طرالي العشق والمعشوق لكن طلع الحل لشئ اعظم واكرم( القران الكريم ) يمكن من هذا الشطر وذاك بين الفرق والحل يا تِــعــس حـالك لـو تـحـاول تــشـبِّــه إحـــــذر وحــــاذر يـاللـبـيـب وتـســبّـه وجاب الحل ولد ثابت بيض الله وجهه ولاهو غريب عليه ...

وجهك ابيض ولاهنت ياجااااابر وماعليك زود يالغالي

[وجودك يكفي]

المشاركة الأصلية كتبت بواسطة إبن ثعلي بيض الله وجهك ياولد ثابت ريحتنا من عنا التفكير في اللغز

وجهك ابيض يابوعبدالرحمن ولاهنت ياشايبنا العزيز والغالي

[{ أبوفيصل }]

صح لسانك ياشاعر الحرب لغز جميل
صح لسان وجودك اللي قضى عليه وأنهاه

[وجودك يكفي]

المشاركة الأصلية كتبت بواسطة خليجي صح لسانك ياشاعر الحرب لغز جميل صح لسان وجودك اللي قضى عليه وأنهاه

صح بدنك ياكابتن ولاهنت