نفدى المليك اللي يضد المعادي

[عبدالله المرشدي]

بسم الله الرحمن الرحيم


قصيده دقل سالم الغبيوي

موجهها لابنه المقدم ركن (سعود دقل الغبيوي ركن اللواء المظلي على الحدود السعوديه اليمنيه

آمل ان تنال رضاكم


[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عليت ياقلبٍ يتابع للاخبار=لابد من علمٍ يسر الفوادي
يوم الملك جانا وتمن الاشوار=دقت طبول الحرب علمٍ وكادي
بارواحنا نفداك ياعقب الاحرار=نفدى المليك اللي يضد المعادي
من مركز الخوبه اليا روس الاطوار= يجيك جيشٍ مثل موج الجرادي
اليا وجه الصاروخ والملح قد ثار=يومٍ علينا مثل يوم العيادي
اليا ثور البارود والجمع قد سار= اما طلوع الفجر والا هجادي
اليا هبت الهيجا على الخصم يحتار=ومن يزرع الفتنه يحصد الحصادي
ياماعذلناهم وردو بالانكار=ردٍ قبيح وملعنٍ بالروادي
من ينكر المعروف نكويه بالنار=ومن شدة الكويه يضيع العنادي
غلطان ثم غلطان ياشر الاشرار= عقب لبوس العز تلبس سوادي
ان كان لك في نصرة الدين مشوار =المسجد الاقصى بصوته ينادي
هذي ديار العز ماهي لكم دار =وانتم سكنكم صوب صعدا وغادي
حق البلد نحميه من كل غدار =بمسلحاتٍ من بلدها جدادي
اللي مسلحكم عليه البلا دار = عليه صعبات البلاوي تزادي
واللي يبى الطولات يرخص بالاعمار=يبعها دون الوطن بالوكادي
والدين راس العز لو صار ماصار=ومن لايبيع النفس ياسعود غادي
احذر من الهزله وتجميع الاعذار = ومع الزمن تبدي علومٍ جدادي
حقٍ علنا نطفي النار بالنار=ويصبح لهيب النار غادٍ رمادي
وصلاة ربي عد همال الامطار=على نبي الخلق خير العبادي[/poem]

[فهيد مقعد الرويس]

لاهنت

يابوبدر

وصح لسان

الغبيوي كفو قول وفعل

تحيتي وتقديري

[عبدالله المرشدي]

المشاركة الأصلية كتبت بواسطة فهيد الرويس لاهنت يابوبدر وصح لسان الغبيوي كفو قول وفعل تحيتي وتقديري

الغالي فهيد الرويس

صح بدنك

وعلى شانك

تحيتي وتقديري

[سلطان الشوق]

لاهنت وصح لسان من قالها

تحياتي

[إبن ثعلي]

مشكور ياعبد الله على نقل القصيدة وصح السان دقل الغبيوي والله يوفق المقدم سعود وزملائه ويجعل النصر حليف جيشنا الباسل

[ابــ عــتـب ــو]

الله يحفظ سعود وزملائه ويعودون بالنصر