قصيدة في الأسهم

[ولد غابي]

[poem=font="Arabic Transparent,5,black,bold,normal" bkcolor="transparent" bkimage="backgrounds/20.gif" border="none,4,gray" type=0 line=0 align=center use=ex num="0,black"]
بسم الله أبدا بذكره منشي أبـروقـه= سـبحان من بالسما الأمزان سايقها
ربٍ كريمٍ لطيـف بحال مخـلـوقـه= الواحد اللي كفل خلقه ورازقـهـا
أبدا بتفسير حال السهم مع سـوقـه= أسواق الأسهم عسى الرحمن يحرقـها
طبيت في وسطها والنفس محـروقـه= أدور الربح والأمـوال عاشـقـها
وأخذت ذخر الزمن قطيت صنـدوقه = حصيلي اللي عن الأنظـار مدرقـها
قالولـي الناس سوق الخير مطروقـه= والناس يامدور الأربـاح عانـقـها
وأخترت سهم المواشي عالـىٍ ذوقـه= صيته طغى فوق الأسهم صار فاسقها
والناس يـمه تـهد الطير بسـبوقـه= ماتدري إن الشـرك بيدين سـايقها
هامورها اللي يزود السـعر ويسـوقه= يسحب من العرض صفقاته ويسرقها
ويحط في خانـة المطلوب منطـوقـه= رمز العصـابة عسى الباري يفرتقها
يرسـم لهـم خطـةٍ صعبه وموثوقـه= والناس مثل البسوس تحب خانـقـها
يشـيل منهم ويجمـع كل ممشـوقـه= والناس تعطيـه مامعـها وترشـقها
والياشبع وأنتهى وأنكشفت فتـوقـه =حول عليهم كما محوال باشـقـها
ثم رشهم رشت الرشـاش ماتعـوقـه= والناس في غبـة الأسـعار يغرقـها
حسبي عليه الجشع نســاه مرزوقـه= عجوزنا اللي بوسـط الراس فالقـها
كانت عجـوزٍ عزيـزه حيل مرموقه= ومن عقب الأسهم تصيح وبان مفرقها
والعود مصلح حبيب الشعب معشوقه= بعد الخساير يصلي صوب مشـرقها [/poem]

[بوشامه]

ولد غابي صح لسانك على هالقصيده الجزله في مواساة اخونا اصحاب الاسهم000

[عبدالله المرشدي]

ولد غابي


صح لسانك


وعلى شانك


والله يربحك

تحيتي وتقديري

[ناصر بن سعدي]

ولد غابي


صح لسانك


تصوير جميل لحدث الموسم وحديث المجالس...وكارثة المجتمع السعودي


وتقبل تحياتي

[مخاوي النشامى]

صح لسانك اخوي ولد غابي
دقيت على الجرح اخوي

الله كـــــــــــــــريم... الله الله ....... هو عالم بالحال ولايمكن يضيم.

[النـايــــــف]

صح لسانك اخوي ولد غابي



وبيض الله وجهك يا الغالي


ولا تحرمنا من جديدك



تحياتي لك ،،،

[ولد غابي]

صح بدنك أخوي / بو شامه
وشكراً على المرور
أخوك: بدر سفر

[ولد غابي]

صح بدنك أخوي / عبدالله المرشدي
وأشكرك على المرور
أخوك : بدر سفر

[ولد غابي]

صح بدنك أخوي / ناصر بن سعدي
وشكراً على المرور
أخوك : بدر سفر

[ولد غابي]

صح بدنك أخوي / مخاوي النشامى
وشكراً على المرور
أخوك : بدر سفر