مشاركه شعريه اولى

[أبو رديعه]

هذي قصيدتن مبطيه واتمنى ان تحوز على رضاكم

[poem=font="Simplified Arabic,5,darkred,normal,normal" bkcolor="transparent" bkimage="backgrounds/19.gif" border="none,4,gray" type=0 line=0 align=center use=ex num="0,black"]

ياهاجسي لانخيتك عادتك تسبح معاي البحور=وتعاون القلب ياهاجوس وتعديه لبحورها

ملجاي عقب الاله وغايتي لافاض هيض الشعور=اوّرد الك الضوامي لين تروى منك بصدورها

الوقت يحداني بجوره على جوره ماني بالصبور=لو يصبر القلب شهر من السنه مايصبر شهورها

ياحب لابد ماتطحن ليا قامت رحاها تدور=والعور لاشافت العميان ماتبكي على عورها

راحت ثواني دقايق كمّ ساعه كمّ ليل وشهور=خمس اسنوات احسب القمرا تخاويني تحت نورها

واقول ياصبح لاتطلع مدام الليل فرح وسرور=ماكنت احسب الليالي ضيمها مبداه فـ سرورها

لكنها حكمة(ن) كونية(ن)والفلك بأمره تدور=والارض ايضا تدور وخافقي يمشي على دورها

ماهي ب الي والزمن يعطي بيوم النحر واميه دبور=عله بجوف المريض ولاوصل للحل دكتورها

لكن منهو برك للشيل لايشكي حمول الظهور=الله يعين الجمال اللي تشيل الحمل بظهورها

ماهي طماعه ليا قلت ان انا مغزاي بدر البدور=لكنّ دونه مجاهيم الزمن واللي على كورها

ياهاجسي لاتلف ولاتدور وصاحبك مايدور=اضرب على الكايده واضرب معك ونحكّم لشورها

اما اكسب النايفه واقول عانك في ثمين القصور=والا انحسبنا مع اللي طايحن في داخل قبورها[/poem]



وسلامتكم

[ولد غابي]

صح لسانك يابو رديعه ،،، جميله ،، لكنك أفحمتني وأنا أقراها ،، أثرك شاعر محاوره صحيح،،

يقولون أول الغيث قطره ،،

شد حيلك وبحزامك تحزم وعطنا جديدك ،،
ودي أقرأ أشعارك يمكن تعجبني وحده وأرد عليك بواحدتن مثلها ،،
خلنا نحرك المنتدى شوي

مع تحياتي

وسجل أعجابي

[أبو رديعه]

صح بدنك يابو طلال ولاتطيرنا فالعجه يارجال ماغار بويتات لكن ماهيب بويتاتك هههههههه شكرا على مرورك وابشر بالجديد ان شاء الله

[فهد العايضي]

ياهاجسي لانخيتك عادتك تسبـح معـاي البحـور .... وتعـاون القلـب ياهاجـوس وتعديـه لبحورهـا

ملجاي عقب الاله وغايتي لافاض هيض الشعـور .... اوّرد الك الضوامي لين تروى منـك بصدورهـا




صح لسانك يابورديعه

ويعطيك العافيه على هالقصيده

[ღالمقاطيღ]

صح لسانك مليووووووون يالغالي علي القصيده الجميله

[إبن ثعلي]

صح السانك يابو رديعه ما قصرت
تحياتي