معشوقة الورد عمر الورد ماخانـك <<

[فهد المطيري]

[poem=font="Simplified Arabic,5,darkblue,bold,normal" bkcolor="transparent" bkimage="backgrounds/1.gif" border="none,4,gray" type=1 line=0 align=center use=ex num="0,black"]
معشوقة الورد عمر الورد ماخانـك = وإيديك لفحة شتاه.. ومبسمك صيفه
الورد لو عاش طول العمر بأحضانك = ماجفّ غصنه ، ولا ذبلت مراهيفـه
واشلون يذبل وهو يأخذ من الوانك = واشلون بيموت وأنفاسك سواليفـه
مابين خصلة شعرك وعطر رمانـك = سوالف الورد.. ومنـادم مواليفـه
ومابين زمّة نحرك.. ولِين ريانـك = بداية الحسن.. وانهايـة تواصيفـه
ان جيت ابكتب لقيت الشعر ديوانك = حلاه وصفك.. وبحروفك محاريفـه
يا ربة الحسن.. عمر الورد مازانك = أنتي جماله.. ورقّة غصنه.. وريفه
وانا كما الورد.. من قربك وتحنانك = يصفالي الوقت.. لو كثرت صواديفه
زرعت قلبي وسط روضك وبستانك = وأسقيت قاعِه غـرامٍ مابـدا زيفـه
لين أزهرت كل ريضاني وريضانـك = بالورد.. وانتي ندى الورد وسواليفه [/poem]




[align=center]ودمتم بود[/align]

[طيب الفال]

هلا بك يامطيري

القصيدة ماعليها ختم (( مجهولة الهوية ))

ماندري لك ولا لغيرك ..... نأمل التوضيح


وشكراً على حضورك

[مخاوي النشامى]

صح لسانك أخوي فهد
ولسان قائلها
وأرجو إيضاح ماستفسر عنه طيب الفال

تحيااااتي لك

[فهد المطيري]

اخواني المشرفين الأعزاء

اولاً مشكورين لمروركم العطر

وثانياً يوجد قسم خاص لقصائد الأعضاء ، يعني

لو كانت القصيده لي كتبتها فيه وبأسمي شخصياً

وثالثاً القصيده لا اعرف كاتبها اللهم إنها اعجبتني

وقمت بنقلها ، وإذا كانت مخالفه لشروط المنتدى

لامانع من نقلها من قبلكم لأي قسم ترونه أو

حتى حذفها نهائياً

ودمتم بود

[ناصر بن سعدي]

الغالي


فهد المطيري


تسلم على النقل الرائع


وشاعر القصيده عبد العزيز الدهمشي



على هذا الرابط
http://www.shathaaya.com/vb/showthre...C7%E1%E6%D1%CF


وتقبلوا تحياتي

[برقاوي هواوي]

تسلم أخوي فهد على النقل الرائع وصح لسان الشاعر عبدالعزيز

[النـايــــــف]

صح لسانك اخوي فهد المطيري


وصح لسان شاعرها


وبيض الله وجهك يا الغالي


على هذا الاختيار الرائع


تحياتي لك ،،،،

[إبن ثعلي]

مشكور يافهد المطيري على حسن الاختيار قصيدة رائعه
تحياتي

[نازح البعد]

عشت اخوى المطيرى
وصح لسان قايلها

[الناعمه]

ان جيت ابكتب لقيت الشعر ديوانك
حلاه وصفك.. وبحروفك محاريفـه

فهد تسلم على النقل قصيده روووعه من جد