قول الزيــــادي

[ރالزيــاديރ]

السلام عليكم ورحمة الله



قصيده قالها الشاعر نواف بن بجاد الزيادي في الثبتان من الروقه ويخص فيها غزاي بن بجاد الثبيتي وربعه وهي بصوت شاعرها والثبتان يستاهلون اكثر

ونواف الزيادي من أعضاء منتدى عتيبة

http://www.youtube.com/watch?v=2dZav1zBaK8





الله يكثر خير من ذكرهم تاج
للروس والايام عدلن وعوجي
فيما مضى يوم الدهر ضيق واحراج
يزهم من الثبتان فوجن وفوجي
وامن الكرم رجالهم مثل هداج
وان جيت للحجه ماهوب امحجوجي
قلته وانا في خير مانيب محتاج
وان ضاعت الحيله وساعن فجوجي
لا شفت والا عفت دورت منهاج
مالي ومال مزودين الهروجي
نزلت لي في منزلن مابه ازعاج
قفرن خلا ما فيه شخصن يدوجي
ابعد عن اللي فالمقفين هراج
وعن مجلسن فيه الهذور اللجوجي
وشلي بمن هو قلبه اسود من الصاج
المخ فاسد والسواليف عوجي
يكفيني اعرف ذايع الصيت بهاج
من روس قومن يعتلون السروجي
امثال اخو غازي للضناك فراج
يفداه من عند المواقف يروجي
يومن بعض الناس فالمعضله ماج
حتى ولوك تنتخي به يموجي
يكفيني ابن بجاد يضحك له احجاج
عنده يهونها بصدرن بهوجي
ورب[ن]له العالم مصاليع حجاج
انه تعلا فوق روس البروجي
قول الزيادي للنشاما من العاج
والماس واللؤلؤ يتوج بتوجي

صح لسان الشاعر نواف على هذه القصيدة الجميله

ويستاهل غزاي بن بجاد الثبيتي

[ناصر بن سعدي]

صح لسان نواف بن بجاد الزيادي

ويستاهل غزاي بن بجاد الثبيتي

وبيض الله وجه بدر الزيادي ..

ودام الجميــع بخيــر ..

[حنين الروح]

صح لساان الماادح ويستااهل الممدوح

ولاهنت يالزيادي على النقل

[الزيادي نواف]

وعليكم السلام ورحمة الله وبركاته

الله لايهينك ويعطيك العافيه يابدر الزيادي

والقصيد ما يوفي الثبتان حقهم هم اكبر من الشعر

ويستاهل ابو خالد غزاي الثبيتي اكثر

وانت تستاهل بياض الوجه على جهدك ونقلك

وصح بدنك .. ولا يفوتني ان اقول لمدير الموقع

ناصر بن سعدي حياك الله وصح بدنك


دام فخركم ياعتيبه

[فهيد مقعد الرويس]

الله الله

ونعم بالمادح والممدوح

ابدع نواف

وصح لسانه

وانت الله يعطيك العافيه يالزيادي

وتقبل اطيب تحيه

[روقي قرم]

صح لسانك يانواف..
جزل ولا تجي منه الا الجزلـه، وهذا من طيب معدنك، ولاهي غريبه على اهل مهيوبه ..
والله يديم الصحبه بين عيال بجاد..
لاهنتمـ

[قوت القلوب]

صح لساااان
الشاعر
وسلمت يالزيااادي
تحيااتي

[صقـر عتيبـة]

صح السانك يا نواف ويستاااهل غزاي

وكل الشكر والتقدير لــ الزيادي

على طرحه الدرر الجميلة

تقبلووو تحياااتي

اخوكم / صقر عتيبة

[» عبدالعزيز «]

صح لسسان الششاعر ونعم بهم :)

يعطيك العافيه الزيادي :)