و الله اللي راح عصر الشبابي

[عيد بن شده]

لا و الله اللي راح عصر الشبابي
وراح النشاط وراحت العنجهيّه

العين فيها يا محمد ضبابي
والرجل فيها علةٍ. صيرميّه

والمتن فيها مثل ضرب الحرابي
مرٍ. يهيد ومر يسري عليّه

والدقن شاب ولا يسر الخضابي
وفي منزلي ثلاجتي صيدليه

والنوم قل وصار فيه اضترابي
والنفس في بعض الهقاوي رديّه

اصد عن بعض المجالس وهابي
راح القراح وراحت الشاذليه

ما يسقي الضامي لميع السرابي
اقفت نوات المزنه العقربيه

يا الله يا منشي حقوق السحابي
يا عالمٍ بالبيّنه والخفيّه

تغفر ذنوبي يا عظيم الجوابي
ماعاد لي في كل الاوضاع نيّه

عيد بجاد ابن شده

[عبدالعزيز بن حشيان]

صح لسانك يابو فهد والله يعطيك الصحه وطولة العمر

[المغوار]

صح لسانك يابن شده
ولو كنت عاتب عليك

مقل في مشاركاتك واخر مشركه هاذي تجيب التشاوم