محمد السديري & ثواب بن طنف الجعيد, من روائع القصيد

[مخاوي النشامى]

[align=center]
اسعد الله اوقاتكم بكل خير..

هذه قصيدتين تحمل في بيوتها ومعاني وحكـــــــم جزيلة, الاولى

قصيده للشاعر ا لامير /محمد احمد السديري ...وهي عباره عن لغز

ويرد عليه الشاعر ثواب بن طنف الجعيد..

.........................................

اليكم القصيدتين

القصيده للآمير /محمد احمد السديري





[poem=font="Simplified Arabic,5,darkblue,normal,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
شي(ن) بقلبي يامـلا حايـرن فيـه=
شيء تحير ابـه العقـول الفهامـى
مخفيـه بفـوادي ولا ودي ابـديـه=
وادور الخيـرات شرقـن وشامـي
احترت به ماشفـت شـي يحاليـه=
واليوم ابنشـد عنـه مانـي بكامـي
سيل حدر مـع وادي غيـر واديـه=
مدري حـلا ل مـاه والا حرامـي
كانه حلا ل جايزن شـرب صافيـه=
وش حلله يامفسريـن الحـلا مـي
هاتـوا تفاصيلـه وهاتـوا معانيـه=
نبي الدليـل الـي عليـه الكلامـي
نبـي دليـل يفهـم الـدرب ماشيـه=
يمشي بـه التايـه بليـل الظلامـي
يمشي به التايـه ويقـدي مواطيـه=
ويشرب قراح الما ليا صار ضامـي
لا شك هجسي يـوم خـلا مماشيـه=
انـه حـرام ومنـه زود الاثامـي
احرم مـن الزقـوم مـره وحاليـه=
وشربه علي الضامي يزيد الهيامـي
الله مـن قلـب همـومـه تقـزيـه=
تـدك بـه مثـل الجـراد التهامـي
من ما جري قامـت تتلـه مشاحيـه=
تل الرشا من فوق هـدف المقامـي
روابـع قامـت تصيبـه وتخطيـه=
شاف الهوايل واختـلاف الاسامـي
مايسمع الداعـي اليـا قـام يدعيـه=
يعوم في بحرن مـن الهـم طامـي
مـا يتنبـه للـي بصوتـه ينـاديـه=
يزيـد همـه يـوم كلـن ينـامـي
يشـوف وقتـن ماعرفنـا توالـيـه=
وقت يشيب مـن ابسـن الفطامـي
هـذا زمانـن كـاثـرات بـلاويـه=
الغيـم يقلـب فيـه عـج وكتامـي
يا بعد شرب الما علي كبـد راجيـه=
ما سيل الغبـرا زعـوج الجهامـي
انبيك يا من كلمـة الحـق ترضيـه=
اعطيك ما ينفعـك وافهـم مرامـي
قصـرن يذلـك لاتقابـل مبانـيـه=
خله عسي شامـخ طويلـه هدامـي
خله عسي ما صاب اغاديـر يفنيـه=
يـودع منازلـه الطويلـه رجامـي
لو زان مدخالـه وطالـت حواميـه=
شيد علي الخيبـه قليـل الرحامـي
وحـي يوريـك المذلـه وتغلـيـه=
انا اشهد انك ميـت القلـب عامـي
مـن لايـودك لا تـوده وترجـيـه=
ارفـع مقامـك ياعزيـز المقامـي
ارفع مقامك عـن عـدوك وتوذيـه=
ويلحقك من تركت رفيقـك ملامـي
حـق الرفيـق وواجبـه لا تخليـه=
يلزمـك مثـل الوالديـن الحشامـي
اختر عزيز الجار والحـق يعطيـه=
شبل علـى هـرج يقولـه يحامـي
مادك بـه عـرج المذلـه وطاريـه=
يسبق على فعل الفضيلـه شمامـي
ومن قارب الاجرب بالامراض يعديه=
عدواه تسطـي باللحـم والعضامـي
درب السلامـه بيناتـن مماشـيـه=
ودرب العطب يرث عليك اللكامـي
ابعد وقلبـك نـازح البعـد يشفيـه=
وتلقى عن الدار البغيضـه مقامـي
دارن بدار وداعـي الـذل عاصيـه=
ولا تقبـل الذلـة نفـوس الكرامـي
الـذل مـوت حايماتـن ضوامـيـه=
ادخل على منزل فروض الصيامـي
عن مقعـد بالـذل عينـك تراعيـه=
الموت عند الـذل امـان وسلامـي
يرضى المذله من تـردت هقاويـه=
والذل يجفل منـه قلـب العصامـي
والعبد له رب عـن النـاس يغنيـه=
ولولاه ما صاب الهدف كل رامـي [/poem]





رد عليه الشاعر ثواب بن طنف الجعيد





[poem=font="Simplified Arabic,5,red,normal,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
هيهـات ياقلـبٍ كثيـره طواريـه=
ويجيلها بيـن الضلـوع ازحامـي
اليا بنيت القيـل اصواغـه واعليـه=
ولانـي بجالـب سلعـه ماتسامـي
وهيضني الشاعـر بقـاف مسويـه=
واحكم تفاصيلـه قـوي الحزامـي
لو ما حكم فالسيـل ملـزوم نفتيـه=
والله عليـم بقدرتـي واهتمـامـي
اللي كرهتـه نكرهـه مانـدا نيـه=
لو يجمعونه مـن طـوال النوامـي
قلعـه بوابيـره وقلعـه سواعـيـه=
تقفي ليـا ذعـذع لهـن الولامـي
بعض الطيور البرق شاقـه تمديـره=
ورقابه اطوال من رقـاب النعامـي
العلـم الاول فـات مانـي مناحيـه=
والمقبلات إلها جـزاء واحترامـي
ولاباس ياقلـب همومـه تصاغيـه=
مثل الاصيل اليا صغـاه الخطامـي
من باح سده تفرح قلـوب اعاديـه=
وصاعه غدا صاعين حل الصرامي
وكم واحد شيطان فرعـون مغويـه=
ومن الحسد شمسه عليهـا غمامـي
محضر زنابليه ومحضـر مساحيـه=
ويبـا رفيعـات المبانـي هدامـي
وتلقى خدوده كـن هنـه سماريـه=
ياطن وطي مثقـلات الجـلا مـي
خله على اليسـرى وكنـك تعزيـه=
من غيـر قولـة والـدة للرحامـي
والوقت مثل الوقت حاديـه باديـه=
والفرق فاهلـه يالديـب الشهامـي
احـد كمـا حيـد زنيبـه يـذريـه=
يلقى الذرا فـي نايفـات العقامـي
واحدعن الطولات تقصـر مراميـه=
ولو صاح في اعلى المرتفع مايلامي
وخل العوى للـي همومـه تلاويـه=
لي الهبـوب لمشرفـات البشامـي
وعبد البقوم ان ما غبش له يماسيـه=
وباني عليـه مبرقعـات الخيامـي
وهـمٍ مناحـر لـه وهـم متقفيـه=
والعش ضايق من فروخ الحمامـي
والضيف عذر معزبـه مـا يعشيـه=
يبا مع الترحيب شـرب وطعامـي
واللي يفوته مركـب العـز ويتيـه=
مثل الخليع اللـي حياتـه عدامـي
واحدٍ حباله تلحـق المـاء وترويـه=
ويمنـاه لاحقـةٍ فـروع السنامـي
ومن لاتنقـى دون جـاره وعانيـه=
يلبس لبـاس مشـوذرات الزمامـي
وردي على ابو زيد ماهـو تحديـه=
لكن ملحـق خيـر مانـي زعامـي
ومن طابت ايمـه وطابـت لياليـه=
يجيـه فـي رد الرسائـل ختامـي
وفرحة عيوني حايزٍ مـن مناشيـه=
تسبق سيولـه مطلقـات السهامـي
متـى نشوفـه مايـلاتٍ ثمـاريـه=
ومتعاقبـات فيـه ريمـي وادامـي [/poem]

وسلامتكم[/align]

[النـايــــــف]

يعطيك العافيه اخوي مخاوي النشامى


على هذا الموضوع


تحياتي لك ،،،،،

[مخاوي النشامى]

المشاركة الأصلية كتبت بواسطة النـايــــــف يعطيك العافيه اخوي مخاوي النشامى على هذا الموضوع تحياتي لك ،،،،،

الله يعافيك اخوي النايف

اسعدني تواجدك الرائع في متصفحي

[برقاوي هواوي]

تسلم يمينك يا مخاوي النشامى وصح لسان السديري والجعيد

[محمد العتيبي]

لاهنت يامخاوي النشامى على نقل الجزل كما عودتنا

[اخو من طاع الله]

صح لسانك ولسان الشاعر السديري والشاعرثواب

يعطيك العافيه يا مخاوى النشامى على النقل المميز

[مخاوي النشامى]

المشاركة الأصلية كتبت بواسطة عبدالرحمن النفيعي تسلم يمينك يا مخاوي النشامى وصح لسان السديري والجعيد

سلم غاليكـ أخوي عبدالرحمن

ولاهنت على التواجد الرائع

[مخاوي النشامى]

المشاركة الأصلية كتبت بواسطة محمد العتيبي لاهنت يامخاوي النشامى على نقل الجزل كما عودتنا

لاندمت أخوي محمد

أسعدني تواجدك الرائع

[مخاوي النشامى]

المشاركة الأصلية كتبت بواسطة عبد الله الحافي صح لسانك ولسان الشاعر السديري والشاعرثواب يعطيك العافيه يا مخاوى النشامى على النقل المميز

صح بدنكـ أخوي عبدالله....


والله يعافيكـ أخوي ولاهنت على التواجد الرائع