سر ياقلم

[الحزيمي-3333]

سر ياقلم سجل كلامي بترتيب
سجل وبمليك البيوت العجيبه
لادق هابوس الظلوع المحاديب
بيت الشعر لو هو تعسر نجيبه
سلام عد مروحات الاساحيب
واعداد مانبت الورق في شعيبه
عد النجوم الموضيات المراقيب
عد الصحاري والسهل والجذيبه
محملن بالورد والكاد والطيب
ويهدى لمنهو تعرف الناس طيبه
تسمع بصيته في ديار الاجانيب
يشيع ذكره فالبلاد الغريبه
هذاك ابو عساف رجل المواجيب
ماقط قالو فيه فعل يعيبه
يوم الردى يطلع بدنياه ويغيب
يحيى سنين ومات محد دريبه
تكفى يابن عساف ابنخاك وتجيب
اطلبك وابغا مطلبي لي تجيبه
امنول اشرب من زلال المشاريب
شربي قراح وانت تحفر قليبه
واليوم شربي من عكاك المغاريب
غصب عليه ما رضيت الغليبه
ياليتها صارت بضرب المشاعيب
وكل يحصل مايحوش نصيبه
وانا عتيبي من طوال الاشانيب
من الأد روق وعزوتي من عتبيه
والحر ياقع فوق عال المراقيب
دايم يوكر فوق عال الرقيبه
ويغدر وياقع فالشباك والنواشيب
وشباكه اللى شابكه يعتنيبه
ويشهر ولو حطو برجله مناسيب
يبغى الفجوج المغريات الرحيبه
والبوم يربض في بطون الاداعيب
تسمع صفيره وسط مطمن شعيبه
وقت يخل الشاه ترعى مع الذيب
ياكثر ماعنى هالزمن من مصيبه
شرحت عن حالى شتى الاساليب
وانته من اصحاب القلوب اللبيبه
افزع لقلب كن وسطه لواهيب
قلبه خطير انه همومه تغريبه
بعدك يابو عساف راسي غدا شيب
توي شباب وعارضي لاح شيبه
يامر على اللى حياته عذاريب
ابن الهوان اللي يروم المعيبه
واقول شفلي حل يافاعل الطيب
وانخاك لاجات الامور الصعيبه
ابغى ليا جيتك ليا الناقل فالجيب
وقسم تنصب قايده حضيبه
والابسلم عهدتي للمعازيب
واللي يجيبه والى امري يجيبه
والرب يرزق من عدم عالم الغيب
وماقدره رب البنادم يصيبه
واللي مضالي في حياتي تجاريب
ميزت بين التايه والمصيبه
وصلاة ربي عد سيل الاداعيب
على رسول كلنا نهتديبه
الشاعر /سلطان سعود الحزيمي العتيبي....اهداء لرائد /ماجد عساف الحبردي

[com.العصيميهwww]

صح لساان الشااعر

ولاهنت عالنقل أخوي

وننتظر الجديد

[صهيل قلم]

جميل نقلك وتشكر على عطاءك







.

[إبن ثعلي]

مشكور يالحزيمي وصح السان الشاعر سعود ويستاهل المدح ماجد عساف
تحياتي

[هتلرعتيبه]

[align=center]يعطيك العافيه

وصح السان الشاعر














تحياتي

هتلر عــتـيــبه[/align]